YMA Electric Veng Branch-in a mamawhtute tan a thlawnin zirlaibu sem

Aizawl | March 29, 2025: YMA Electric Veng Branch Literature & Education Sub-Committee hmalaknain vawiin khan Sakawrpului-ah Zirlaibu hlui la hman tlak a mamawhtute tan a thlawnin sem chhuah a ni.

YMA Electric Veng Branch Zirlaibu semchhuah hi veng hrang hrang atangin a mamawhtute'n zirlaibu an la a, chhungte leh thiante tana laksak an awm bawk.

Heng bakah hian, Aizawl an rawn zin remchang lai nen innang mi thenkhat pawhin heng zirlaibute hi an la a, YMA Electric Veng Branch thil tih hi tha an tiin an ngaihlu hle.

YMA Electric Veng Branch hnuaia Literature & Education Sub-Committee chuan mamawhtute tana zirlaibu sem hi nikum pawh khan an lo kalpui tawh a, hlawhtling an tiin, miin an ngaihlu a, anmahni ngei pawhin zawngchhang tlakah an ngai a, kumin hian an chhunzawm ta a ni.

Heng Zirlaibu hman hnu la ṭha tak tak te hi zirlaiten kar kalta chhung khân YMA Electric Veng Branch hnenah an pe / dahkhawm a, chung zirlaibute chu a mamawhtute hnenah thlawnin an sem chhuak leh ta a ni.

Zirlaibu thawhtute zawng zawng chungah Electric Veng Branch YMA chuan lawmthu an sawi a.

Midang tana malsawmna nih hi zirna in a tum pawimawh tak pakhat a ni a, a mamawh tute hnen a thleng hi Electric Veng Branch YMA chu an lawm tak zet a ni. Zirlaibu sem bang te hi Electric Veng Branch YMA Library-ah dah khawm a ni a, a mamawhte tan a lak zel theih a ni.