Aizawl | March 26, 2025: Venghlui Local Council chuan nimina Aizawl Municipal Corporation (AMC) atanga lehkha an dawn chu an chhang a, Treasury Bazar-ah kutthlak zui an tum lo tih an tarlang.
Kar hmasa thawhtanni zing lama Treasury bazar kang chu Venghlui lam hian sak thar tumin an bei a, nimin pawh khan Hnatlangin a sak that hna hi an thawk a ni.
Treasury Bazar hlui luah luih tum chungchangah Aizawl Municipal Corporation (AMC) chuan nimin khan Venghlui Local Council chu, State Sawrkar leh AMC duh dana Treasury Bazar khar a nih theih nan hma lo la turin a hriattir a.
"Aizawl hmasawnna tura State Sawrkar leh AMC hmalakna dodal leh tithuanawp zawnga chetlakna a awm chuan Rule No. 24 of the Mizoram Municipalities (Ward Committee and Local Council) Rules, 2010 hmangin hma lak theih a ni ang." tiin Venghlui Local Council hi an hriattir bawk.
He an lehkha dawn hi Venghlui LC chuan vawiin khan chhangin, Bazar sak that tuma hmalakna awm chu pawi an tih thu leh, an duh dan ni miah lova thil thleng a nih thu an talang a, 'khap daih duh hle mahila, kan tih theih piah lam a nih avangin mipui kan dang zo lo," an ti.
Mizoram Assembly House bula bazar hi kar hamsa thawhtanni zing khan a kang a, hemia thute chu inrinni khan Tuikual South-a AMC Multi Complex lamah an lo insawn tawh a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: