Aizawl | March 26, 2025: Vawiin tlai lam dar 4 khan Chief Secretary Conference Hall MINECO Aizawlah Vigilance Department leh Anti Corruption Bureau (ACB) ten ACB hnathawh dan leh an hmachhawp mek te thlir hona Chief Secretary cum Chief Vigilance Officer ni bawk Khilli Ram Meena, IAS hovin an nei. He hunah hian ACB Director J Lalthafamkima MPS chuan ACB hnathawh dan Power Point Presentation hmangin in a tarlang.
ACB Director tarlan danin tun din hmunah ACB ah hian hnathawk 67 an awm mek a, chung zinga mi 11 te chu Corruption case chhui thei (Police Inspector leh a chunglam) an ni a. ACB hian tun dinhmunah Criminal Regular Case ziahluh leh chhui mek 15 an nei a. Preliminary Enquiry tih mek 11 a awm bawk. ACB a case ziahluh tam ber te hi Aizawl District leh Lawngtlai District atanga case lutte anni a. Case ziahluh zinga tam ber chu sorkar sum hman dikloh (mis-appropriation of govt funds) leh sorkar sum a hmanna tur ni lova hman (Criminal mis-conduct) anni.
Chief Secretary cum Chief Vigilance Officer chuan ACB leh Vigilance officer te chu corruption kaihhnawih dan leh hraite chu nasa leh zuala zir chiang tur leh hrechiang lehzual turin a fuih a. Sorkar hnathawk eirukna (corruption) kaihhnawih case neite chu dan in a phut ang taka kalpui zel thin turin a hrilh bawk.
He ACB hnathawh thlirletnaah hian Vigilance Deptt leh I&PR Dept Secretary Betsy Zothanpari Sailo leh Sr SP ACB Lalbiakkila bakah Vigilance Deptt leh ACB officers zawng zawngte kim takin an tel a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: