South Vanlaiphai doctor insawn tur MHIP-in mittui nen an dang!

Aizawl | March 25, 2025: South Vanlaiphai damdawi ina medical officer Dr Lalramchhana chu Bungtlang South-a awm turin transfer a ni a, a chhuak tur Mizo Hmeichhe Insuihkhawm Pawl (MHIP) ten vawiin khan mittui nen an dang. 

MHIP lam hian, Doctor insawn tur hi chhun zan zawma dan an tum. 

He hunah hian, MHIP branch paruk - S Vanlaiphai North leh South, New Kawnpui, Muallianpui North & South, Darzo leh Lungpuitlang branch ten transfer order sût turin Health Minister an ngen a ni.

MHIP chuan, "Keini S. Vanlaiphai Bialte chuan Dr. Lalramchhana hi kan bial tana mi tangkai tak mi harsate hmangaihtu a nih bakah kan bial tana thiltha tam tak min tih sak avangin Dr. Lalramchhana hian S. Vanlaiphai P.H.C hi a chhuahsan kan phal dawn lo a."

"He transfer order hi min sut sak hma chuan S. Vanlaiphai chhuahsan thei lo turin keini M.H.I.P leh mipui tangkawp hian kan dang tlat dawn a ni." an ti a.

"S. Vanlaiphai P.H.C a damlo te leh mipuite tana harsatna tam tak a thlen hmaa he transfer order hi min sut sak turin kan ngen a che." tiin Health Minister Lalrinpuii hnenah ziakin an thlen.

Pi Rinpuii

Hon' ble Minister

i/c Health & Family Welfare, Social Welfare & Tribal Affairs, Women and child development, Tourism Dept. etc.

Subject: South Vanlaiphai PHC athawk Dr. Lalramchhana Transfer order silt leh ngenna.

Ka pi, 

Khawngaih takin South Vanlaiphai Bial M.H.I.P leh mipuite ngenna min tih hlawhtlinsak turin kan ngen a che. 

Keini S. Vanlaiphai Bialte chuan Dr. Lalramchhana hi kan bial tana mi tangkai tak mi harsate hmangaihtu a nih bakah kan bial tana thiltha tam tak min tih sak avangin Dr. Lalramchhana hian S. Vanlaiphai P.H.C hi a chhuahsan kan phal dawn lo a.

He transfer order hi min sut sak hma chuan S. Vanlaiphai chhuahsan thei lo turin keini M.H.I.P leh mipui tangkawp hian kan dang tlat dawn a ni.

S. Vanlaiphai P.H.C a damlo te leh mipuite tana harsatna tam tak a thlen hmaa he transfer order hi min sut sak turin kan ngen a che. 

President,

Mizo Hmeichhe insuihkhawm Pawl

Lungpuitlang Branch  

President

MHIP S. Vanlaiphai 'N' Branch

President

Mizo Hmeichhe Insuihkhawm Pawl S.Vanlalphal, South Branch 

President,

Mizo Hmeichhe Insuihkhawm Pawl,

New Kawnpui Branch

President,

Mizo Hmeichhe insuihkhawm Pawl Muallianpui 'S' Branch  

President,

Mizo Hmeichhe insuihkhawm Pawl Muallianpui 'N' Branch  

President,

Mizo Hmeichhe Insuihkhawm Pawl Branch, Darzo