POLICE VUAK

- Lalrochhara Chhakchhuak

Cauvery Water Disputes Tribunal chuan khatih laia Karnataka leh Tamil Nadu State buaina Cauvery tui inchuh chungchanga thutlukna hnuhnung ber chu Febuary ni 5.2007 khan a puang a, he thubuai hi an la urhsun hle a. Thubuai ngaihtuah ni phei chuan khawlaiah fimkhur thu hlaah pawn chhuak lo turin mi an ti hial thin. Hemi ni tak hi keini pawh kan Lecturer hova Bangalore khawchhak lam km 180-a hla awm Gumatapura-ah 'Gorehabba festival' (bawnghnute festival" emaw "Gore Habba tiin an sawi) chungchang chhima kan kal kan haw ni, Diwali tawp tak a ni a. Hemi ni hian hetiang kût ang bawk hi Tamil Nadu-a Erode district-a Thalavadi khuaah pawh an lo hmang ve chiah a ni.

Keini haw pawh Kammanahalli, Ko Zaii te hovin Veng Nuam an tih mai thin kan thleng a. Kan kal zel a, Brigade road lamah engemaw lei haw tura kan kual chu an lo buai hot nasa khawp a. Keini ho pawh kan darh sung sung bawk. Keia hmel phei hi chu a Ashoka thlah lo riau bawk si nen, ka chiai khawp a. A nei ho zara ka chawlh luh ve mial thinna KFC dawr zawn ka thleng chu ka chawnah hian Police tiang hian min malis zawt mai a. Ka tlu niai mai a. Police dang an lo thlen belh a, midang pawh an rawn um phei bawk. Min vaw zawt zawt a ni ber. Mahse, ka lu ah vawi khat mah an vaw loa, vuak tum pawhin an tin chhin lo.

Police vuak vawi hnihna

Ni 12.3.2025 (Nilaini) khan House zahawmna vawng tura ngaih berin House chhungah thudik tak pawh hriat loh, kuthnathawktute chungchang leh, nasa saka an party in an diriam tawh, lunghlu hmuha an hmuh leh tak chhanhim tumna boruak siam tumna tawngkam uchuak tak a hman (Tawngkam uchuak hi Pu Duhoma tui zawng a ni hrim hrim) avanga duh lohna lantir tur chu daidanna nawra kan beihnaah Mizoram Police chak leh rintlak em em, amah Pu Duhoma phei chuan, min vengtu tura kan duh loh, kut vung ber bur, ke vung ber bur, a tih, amah tihmualpho tumtute pawh Police department an ni, a tih te ngei mai khan Pu Duhoma thlavang an lo hauh a. Zak kau hawk hawkin, an vuak te chu an lu nge, an mit nge, an hnar nge, pawh an thliar lo. Hmeichhe pakhat phei chu Red Indian indo hmachhawn ang hrim hian a rak chel chul a, mipa karah pawh a sapa tal chiam a, phuba la ang hrim hian a che vel tih ka hmu. Amah pawh ka mi hriat tak a ni. A zia lo takzet.

Mizoramah hian Politics thilah leh thil hrang hrangah in nawrna a thleng fo a. Mahse a nawrtu mipui rawva vang ni lo, in nawr satliah a thlena Police in nasa tak leh uchuak taka an in lekna chu nimin chiah kha niin ka hria. A zia lo takzet.

Sorkar lamin Lehkha an tih darh, English leh dan leh hrai hrethiam lo ho bumna tura an tih darh phei kha chu a zia lo. He thilah hian hemi hi a fihlim a ni, tihna a ni chauh mai si. Khatiang thil thleng chhan kha Chapchar Kut ni-a mi hliama chingal leih ching, ka lei tawh lo ang, tawngkam hawih hawm hman a tul zia sawitu in a hnu lawkah Mizoram Rorelna sanga tawngkam mawi lo tak a hman leh si avanga lo irhchhuak a ni.

A vawtute, vuak tirtute leh a vuaka te hi kan in tawngtai pui a ngai a nih hi maw.