Lunglei | March 24, 2025: Lunglei Municipal Council (LMC) Chief Executive Officer Pu Donny Lalruatsanga chuan March ni 17, 2025 khan Notice (hriattirna) a chhuah.
The Lunglei Municipal Council (Control of Parking and Collection of Parking Fees) Regulations, 2024 hnuaiah Lunglei Municipal Council chuan Regulations Section 4, 6 leh 8-in thuneihna a pek angin parking fee a khawn mek thu leh parking fee pek ngaih pawimawh lohna leh parking fee collector-te sawrkar rawih an nihna anga zah lohna a tam ta hle nia hriat a nih thu a tarlang a. Hei hi Lunglei Municipal Council chuan a ngai thutak hle tih tar langin, notice tihchhuah ni (March 17, 2025) aṭangin Regulations section 16-in thuneihna a pek angin parking fee pek ngaihsak lote/pe duh lote chu notice pek an nih aṭanga ni thum chhunga fee an pek loh chuan police thuneitute kal tlangin pawisa (Rs 1,000/-) chawitir an nih tur thu leh ti sual nawn lehte chu Rs 1,000/- zela pawisa chawitir belh an nih tur thu a tar lang bawk.
Hei hian The Lunglei Municipal Council (Control of Parking and Collection of Parking Fees) Regulations, 2024 Section 11-in a sawite erawh chu a huam lo vang.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: