Aizawl | March 24, 2025: Mizoram Larsap General (Dr) Vijay Kumar Singh, PVSM, AVSM, YSM (Retd) chuan ni hnih chhung (March ni 19-20) awh Indo Pacific Peace Forum 2025 (IPPF 1.0), 'Peace and Security in the Indo-Pacific Region: Significance of Ideas and Thoughts' tih thupui hmanga India International Center, New Delhi-a neih hawnna chu March ni 19, 2025 khan Khuallian niin a hmanpui.
He huna thu a sawinaah, Larsap General (Dr) Vijay Kumar Singh (Retd) chuan remna leh muanna, ram hmasawnna leh venhimnate an inkungkaih dan leh Indo-Pacific region hmasawn nana an pawimawh dante a tarlang a. PM Narendra Modi hmalakna SAGAR (Security and Growth for All in the Region) chu Indo Pacific region-a awmte tana hmanraw pawimawh tak leh tuipui leh a chhehvel venhim kawnga ruahmanna tha tak, vaukhanna hrang hrang- technology, cyber security leh adangte laka him nana pawimawh a nih thu sawiin, Indo-Pacific region ngelnghehna leh thanlen zel nana pawimawh a nih thu a sawi bawk.
Indo-Pacific Peace Forum-ah hian diplomat, ambassador, Indian Administrative Service officer, Defence Service personnel leh scholar-te telin, topic hrang hrang - Geopoliics, Security and the Economic Landscape; Role of the Indian Diaspora in Promoting Peace and Security in the Indo-Pacific Region; Maritime Security, Trade and Transport; One Korea Campaign and Relevant Peace Initiatives; Prospects for Peace in the Indo-Pacific, Blue Economy, Sustainable Development Goals (SDGs) leh Regional Development tih thupui hmangtein panel sessions hrang hrang neih a ni.
Dr. Markandey Rai, Chairman, Indo Pacific Peace Forum and Global Peace Foundation chuan conference kharna hun a hmang a, 'New Delhi Declaration' chhawpchhuakin a sawifiah a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: