MSU-in social media-a inhuatna tuh thei thu belhchian dawl lo thehdarh ṭhinte lakah FIR thehlut

Aizawl | March 28, 2025: Social media hrang hrang Youtube channel, Whatsapp, Facebook page, Telegram leh Instagram-ah te Mizorama cheng hnam peng hrang hrangte inkarah inhuatna chi tuh thei dawt leh thubelhchian dawllo thehdarh a ni fo ṭhin hi MSU chuan pawi ati hle a. Hetiang tih hmang te hi zawnchhuaha hrem ngei an nih theih nan, vawiin ni 28th March 2025 (Zirtawpni) hian MSU chuan Cyber Crime PS-ah First Information Report an thehlut a ni.

"Mizoramah hian Zohnahthlak chi hrang hrang kan chengho a, chutih laiin kan hriat ṭheuh angin kan ṭhenawm Myanmar leh Manipur-ah Zohnahthlak leh Zohnahthlak inkar ah innghirnghona awm fo thin hi MSU chuan pawi kan ti hle a. Social media ah hian thubelhchian dawl lo, Mizo hnam peng emaw tan hriat nuam lo tak  thehdarh anih fo chuan nghawng lian zawk leh pawi zawk, awlsam taka tharum thawhna tichhuak mai thei anih avangin a pawi thei hle bawk. Hetiang thil tih chingte hi Dan hmanga hrem an nih ngei theih nan MSU chuan a tawp thlengin hma kan la zel dawn a ni." tiin thuchhuah siamin an tarlang.

.