Aizawl | March 21, 2025: MPCC Vice President Ngunlianchunga chuan, "Kan CM hian House-ah hian pa ber nih a tlin lo niin a lang, opposition te hi hmaisa chungin lokal pawh ni se, house leader chuan a lo ti dai tur a nih laiin ani chuan a lo tihsat belh emaw tih tur a ni," tiin vawiin khan a sawi.
Vawiin March 21, 2025 Zirtawpni khan Congress Bhavan-ah Mizoram Congress chuan Friday Political Session hmangin MPCC Vice president Ngunlianchunga, MLA chuan thu a sawiin, "House Leader hian mawhphurhna sang tak an nei a, Assembly House ah pa ber chan an chang thin. Kan CM hian House-ah hian pa ber nih a tlin lo niin a lang, opposition te hi hmaisa chungin lokal pawh ni se, house leader chuan a lo ti dai tur a nih laiin ani chuan a lo tihsat belh emaw tih tur a ni. Keima chungchangah pawh ka thiam leh thiam loh chu thudang ni se, kalphung pangngaiah chuan faten thil an ti dik lo a nih chuan pindanah kan ko a, 'Mama i thil tih hi a dik lo a ni,' tiin kan zilh thin a, khawtlangah mualpho takin kan aupui ngai lo. Kan CM khan min ko se, hei, chuti khati chu a ni a, tiin min sawipui se, chu chu mi puitling zia a ni.
"MYC Act chungchangah khan repeal lova amendment anga kaltir a tha lawm ni tihte kan sawi a. Hemi chungchangah hian Chief Minister in Audit theihna dan mumal awm lova a sawi leh duh duh dana hna lak leh sum hman a nih thu a sawi a. Khatah khan audit theihna kha a lo awm sa a, gazette ah hial chhuah a ni tih document nen pho chhuah a ni a. Speaker hnenah house property atan hlan a ni a, speaker chuan house ah a chhiar chhuak hial a nih kha. Amah ngei in House chhungah MYC Audit vawi hnih neih a ni tawh tih a sawi leh a ni.
"A minister ten a thusawi dik loh zia house chhungah an pho lan sak te kha thil zahthlak tak a ni a, kalphung tha lo tak a ni a, a Minister leh MLA ten No-Confidence motion an pulut ang a ni.
"Sum awm tamna portfolio chang lo tura insawi khan a pumhmawm hmak hmak mai a. Minister te a ring zo ta lo em ni? Sum tamna department nia lang te chu CM portfolio chan turah sawn zel a ni.
"Assembly house ah MNF unaute an ti khawngaihthlak hle mai a, zawhna an zawhte khan an zawhna chhang lovin a zawttute kha an chirhtheh ta chiam zel a, khatiang kha a parliamentarian lo em em a, a zahthlak hle a ni.
"Sawhthing chungchangah te hian kan CM hian aw thum det dut hian a pha kual nasa thei em em a, khaw thenkhatah chuan ZPM sawhthing lo chu lei sak duh lo te an awm a, February 20 atangin sorkarin kan lei dawn an tih avangin kuthnathawhktu ten an cho ve a, an lei leh ta mang si lova, kutthnathawktute an khawngaihthlak takzet a ni." a ti.
He programme hi Pi Vanlalawmpuii Chawngthu, ex-Ministerin a kaihruai a, Pu Vanlalhruaizela, Secretary ADCC leh Pu Lianhleia, Vice Chairman Communication ten report an pe a, kalkhawm mipui an ṭhahnem hle.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: