Aizawl | Feb 8, 2025: LBS Kia Motors chuan vawiin khan Aijal Club Park, Aizawlah Kia Syros (Sai ti lovin insi tia Si ti angin lam tur) an tlangzarh a, car dang an zawrhte nen a pianhmang leh ruangam a inan loh avangin beiseina an neih san phah.
September 2022 khan LBS Kia showroom hawn a ni a, Kia car chi thum Sonet, Seltos leh Carens zuarin a vaiin 600 vel an hralh chhuak tawh niin an sawi a, Mizoram Lokayukta deputy secratary Pu Lalmalsawma Hnamte leh LBS Group board member Pu Joseph Lalthanpuia'n Mizorama hralh chhuah turin Syros an khuh hawng a, an car dang nena khaikhinin a pianghmang a danglam bik a, Kia-in Carnival electric car a siam chhuah zulzuiin a ruangam duan a ni.
Pu Lalmalsawma chuan Mizote duh tur leh fuh tak a nih a beisei a, LBS Kia vehicle incharge Pu Vanlalfakawma chuan, India ram SUV khawvela bung thar kaipuitu tur a nih thu a sawi a, a pianhmang, a thatna leh thiamna hrang hrang a ken tel bakah, a him ṭha a, changkang taka thuam a ni, a ti.
Kia India senior vice president Hardeep Singh Brar chuan, lirtheia sumdawng tan kum bultan tan that a pawimawh em em tih a sawi a, kumin kum tirah Kia Syros an tlangzarh theih avangin tha takin bul an tan chho thei dawn a, mipuiin an ngaihven hle a ni, a ti.
Kia SUV thar Syros hi petrol leh diesel engine hmang a hranin a awm a, cheng nuai 10 atanga 20 man thlengin a awm a, LBS Kia showroom, Falkland Vengah Zemabawk road-ah khalh chin duh leh hre chiang duh tan ngaihven theih reng a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: