Aizawl | Feb 21, 2025: Govt. T. Romana College te chu vawiin khan an khaw chuam 'Sialsuk' tan an luangchhuak.
Govt. T. Romana College leh ARDSI Mizoram Chapter, NVHCP, NP-NCD, NOHP, NPPCD, NMHP, TeleMANAS, TATA-AIA te tangkawp chuan vawiin khan Sialsuk khuaah 'Health Awareness and Medical Clinic' hun an huaihawt a. Govt. T. Romana College Principal Dr Jenifer Lalbiakdiki hovin Mizoram Sorkar a Health and FW Department hnuaia Doctor thiam tak tak ten Sialsuk khawtlang mipui tan nilengin 'Medical Health Clinic' an huaihawt a. Mi 184 an inentir a ni.
He hunah hian Govt. T. Romana College ALUMNI ten Aizawl atangin Sialsuk khua thlengin ‘Charity Ride’ an huaihawt bawk a, he Charity Ride hi RZR Auto Enterprise leh TATA AIA ten an sponsor a. ALUMNI te hian Sialsuk Branch YMA te hnenah tanpuina thahnemtak an hlan nghal bawk.
Tin, NSS UNIT, Govt. T. Romana College in Sialsuk khawtlang tana kum 2024-2025 Special Camping Programme hmanga an sak 'Farmers Waiting Shed' tha tak chu GTRC Principal Dr Jenifer Lalbiakdiki'n a hawng bawk a. Hemi rual hian Zunin sak thar 2 (pahnih) hawn a ni bawk.
Medical Clinic neihnaah hian Health Awareness Campaign neih a ni bawk a. Dr Robert L. Khawlhring hovin Dr thiam tak tak ten hriselna atana hriattur thu pawimawh tak tak sawiin, Health Insurance chungchang TATA-AIA (Health buddy) ten an neihpui bawk a ni.
He hunah hian Youth Icon 2024 leh GTRC Alumni Lalsangliana hovin zaithiam tak tak ten zaiin kalkhawmte an awi reng a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: