Kolasib | February 22, 2025: Larsap Gen. (Dr) Vijay Kumar Singh chuan Mizoram ei leh bar lakluhna kawngpui 4 Lane siam tur chu chak zawka kalpui a nih theih nan NHIDCL hotute chak taka hma la turin a hrilh.
Larsap hian vawiin hian Kolasib District tlawhin, DC Confenernce hall-ah Kolasib district chhunga dept hrang hrang hotute a kawm a, he hun hi Kolasib Dist. bawrhsap Pu Robert C Lalhmangaiha'n kaihhruaiin Kolasib district nihphung leh sorkar dept hrang hrang hmasawnna hnathawhte Power point presentation hmanga a tarlan bakah, Kolasib SP David H Lalthangliana'n Kolasib district chhunga dan leh thupek chungchang presentation a pe bawk.
Gen. (Dr) Vijay Kumar Singh chuan Kawngpui awmsa NH-306/06 siam that mek chu fur ruahtui tlak a hnaih tawh avang leh hna thawh theih hun chhung a rei loh avangin chak taka hma la tur leh Mizoram PWD enkawl chin kawngpui pawh an kuta a awm vat theih nan hmanhmawh taka hma la turin a hrilh a, heng kawngpui siam mek leh 4 lane siam tur te hi, tha taka monitoring lo nei thin turin district thuneitu te chu a chah bawk a ni.
Larsap chuan kalkhawmte chu mipuiten tun aia Central scheme an tangkaipui theih tura thahnemngai taka thawk turin a fuih a, hma latu dept hrang hrangte chu tun aia tan la zual turin a chah bawk. Agriculture lam ngaihpawimawh a tul thu leh, environment a chhiat zel loh nan Mizote lo neih dan kalphung 'Jhum Cultivation' bansan a nih theih nan, permanent cultivation lam hawia hma lak nasat a tul thu a sawi bawk.
Vawiin thutkhawmah hian dept hrang hrang hotute chuan an hmalakna hrang hrangte tarlang bawkin thutkahwm zawhah Larsap hian helicopter hmangin Vairengte a pan leha, CIJW School Vairengte a tlawh nghal bawk a ni.
-DD News Mizoram
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: