ZoCareer Solutions-in Pre NEET/SMATEE Exam buatsaih

Aizawl | Jan 25, 2025: Mizoram State Qouta hmanga Medical Course hrang hrang leh Professional Course hrang hrang zir thei tur thlanna Entrance pawimawh tak, National Eligibility Entrance Test(NEET) leh State Medical and Technical Entrance Examination (SMATEE) 2025 lo awm tur atana Zirlaite'n inbuatsaih lawk dan an lo thiam theihna atan leh he exam kalphung an lo hmelhriat chian theihna atana ZoCareer Solutions, Chanmari te'n an buatsaih PRE NEET/SMATEE 2025 chu Vawiin 25th January 2025 khan Govt. Hrangbana College-ah neih a ni.

He Exam hi Mizoram chhunga Pawl 12 Science Subject zir mekte tana a thlawna ZoCareer Solutions te buatsaih a ni a. Darkar 3 chhung Exam hi neih niin, Exam Question hi NEET leh SMATEE kalphung ang chiaha siam a ni bawk. OMR Answer Sheet hmangin zawhnate hi chhan a ni.

Zirlai kalkhawmte chu Medical Course leh Professional Course hrang hrang Entrance inbuatsaih dante hrilh hriat niin, an hmalam hun atana pawimawh tak takte hrilhfiahna hun buatsaih a ni bawk.

Mizoram hmun hrang hrang atangin Zirlai mi 453 te chuan He Pre NEET/SMATEE hi an exam a. He Pre NEET/SMATEE a titha 10 te chu ZoCareer Solutions hian lawmman tha tak a buatsaih sak dawn a ni.