Agri Minister-in International TradenFari hmanpui

Aizawl | Janurary 25, 2025: Agriculture Minister PC Vanlalruata chuan 23rd -25th January, 2025 chhung awh International Trade Fair, Bengalore a neih chu a hmanpui a, he hunah hian Organic (Chemical Fertilizer tello) thlai hmanga ei tur chi hrang hrang siam chhuahte phochhuah a nih bakah Buhtun (Millet) chawilarna tur campaign neih a ni bawk.

Agriculture Minister Pu Ruata hian Mizorama Vaimin eichhetu rannung (Fall Army Worm) ti rem tura Mizoram Sorkarin a rawih Indian Council Of Agriculture Resource hnuaia National Bureau Of Agricultural Insect Resources hmunpui a tlawh nghal bawk a, Mizorama lo neituten harsatna an tawh thin Sawhthing tam leh Serthlum bawmtu leh eichhetu rannung Thlangdar zirchiang turin a sawm a, NBAIR hotute hian an ngaihvenin, chona phurawm takah an ngaia, hun remchang hmasa bera Mizoram loneitute harsatna zirchiang tura lo kal ngei an tum thu Minister hi an hrilh a ni.

Minister hian National Bureau Of Agricultural Insect Resources hotute hi Khuai khawi chungchang sawipuiin, Mizoramah Khuai mi zuk thei lo (Stingless Bee) khawi pun dan tur leh a nursery siama eizawnna tlaka kalpui theihna tur Project tha tak duanga Mizoram Sorkar nen thawh dun dan tur a sawipui bawk a ni. Khuai Mi zuk thei lo (Stingless Bee) hi a zu a to hle a, chumaibakah thlai chi put darh kawngah leh thlai inthlahpunna ah an tangkai hle bawk a, Kalphung thar Mipui Sorkar hnuaiah khuai khawituten bungthar an kai ngei a beisei awm hle a ni.