Aizawl | Jan 8, 2025 : Nizàn 8ᵗʰ January, 2025 (7:00pm) khán YMA Vaṭhuampui Branch kum 50 tlin champha (Golden Jubilee) lawmna hun thumna chu YMA Hall, Vaṭhuampuiah hman a ni a. He hun hi Pu Dr. Lalrintluanga Jahau, Director, Trinity Hospital chuan khuallian niin hun a hmanpui.
He hun hi Pu C. Zoramfela, Branch Treasurer chuan kaihruaiin, Pu Rbt. R. Lalmawisanga, Adviser, YMA Vaṭhuampui Branch chuan hunserh a hmang a, Pu PC Vanbiakliana, Golden Jubilee Organising Secretary aṭangin inhmél hriattírna hun neih a ni bawk.
Khuallian Pu Dr. Lalrintluanga Jahau, Director, Trinity Hospital chuan ruihtheih thil lakah fihlim a, zirna lama ṭan la thar sauh sauh tùrin a fuih a, tùnlai ṭhalai tam tak hi ruihtheih thil avànga Mizoram ṭhalai tam tak mai bakah mipa-in kan thihpui nasa êm êm a, hei hian Mizoram population a tihniamin a manganthlak tak zet a ni a ti a, Vaṭhuampui khua erawh in entawn tlákin in fakawm a, zu leh ruihtheih thil lakah fihlima zirna lama ṭan la zual sauh sauh tùrin a fuih bawk.
He hunah hian Pu C. Rongura, EM, LADC leh Dr. Isaac Lalnunpuia, AYUSH ten thusawina hun an nei bâkah, Golden Jubilee Zaipáwl-in hla máwi tak an rem bâkah zaithiam zai ngaihnawm tak tak ngaihthlák a ni bawk.
Post a Comment
He post chungchanga i ngaihdan lo sawi ve rawh: