YMA Vaṭhuampui Branch-in kum 50-na làwm

Vaṭhuampui | Jan 8, 2025 : Vawiin 8ᵗʰ January, 2025 (10:00am) khán YMA Vaṭhuampui Branch Golden Jubilee Lung hawnna programme neih a ni a, Pu B. Lalchhanzova Hon'ble Minister Government of Mizoram-in YMA Vaṭhuampui Branch Kum 50 tlin lawmna a hmanpui.

He hun hi Pu Centenary C. Lalzahawma, Vice President chuan kaihruaiin, Pu C. Chawnglianzuala, Adviser chuan hunserh a hmang a, Pu C. Lianthangvunga, Secretary aṭangin report ngaihthlak a ni bawk.

Khuallian Pu B. Lalchhanzova Hon'ble Minister of State chuan thu sawiin mahni dikna chanvo humhim tùra huaisen tùr leh rilru chhungril taka tumruh tùr te. Kan sawrkar hi lang tlang sawrkár a nih angin Ration Card pawh dik takin a kalpui mék zêl a, a kalpui zêl dáwn a ti bawk.

Mipuite kan rilru puthmang leh kan rilru sutthlêk te siam ṭhaa thawhrimna leh tawrhchhelna nèna hna thawka theihtàwp chhuah tùrte leh kan hma lam hun hi Pathian hian a ruat lâwk vek a, Pathian malsàwmna dawng tláka kan awm theihna tùrin rinawm tak leh taima taka hna thawk ṭheuh tùrin a chah bawk. Kuallian hian Golden Jubilee Lung hawnna leh Jubilee Dár vuakna hun a nei bawk.

Khualzahawm Pu M.S. Ralte, Finance Secretary Central Young Mizo Association pawhin thu sawiin, Vaṭhuampui Branch-in ropui taka Golden Jubilee an hmang thei chu ropui a tiin lawmawm a ti a, Vaṭhuampui khua hi Border Area-a awm in ni a, kan ram leh hnam humhimna tùr kawnga thawhhlâwk tak leh kan unau ráltlànte an lo enkawl dàn leh theihtàwp inan chhuahnaah làwm thu a sawi a, Vaṭhuampui Branch YMA te inpumkhatna leh tlamuanna thlentu ni zêl tùrin a chah a, YMA chu ṭanpui ngaite ṭanpuitu leh chhawmdàwl ngaite chhawmdawltu a nih angin theihtàwp chhuaha ṭanpui zêl tùrin a chah bawk.

He hunah hian Vaṭhuampui YMA hruaitu kal tate sûnna hun hman niin, Pu K. Sangthara, President Vaṭhuampui Branch YMA leh YMA Sub-Headquarters, Lunglei aṭangin thusawi ṭha tak tak ngaihthlák a ni bawk.

He hunah hian Bâwng pa pahnih, Vawk pakhat leh Ar 10 talh nìin Golden Jubilee ruai ropui taka ṭheh a ni.