MZP Mamit-in JNV Mamit Principal insawn turin an hriattir

Mamit | Jan 31, 2025: MZP Headquarters Mamit te chuan nizan khan Jawahar Navodaya Vidyalaya (JNV) Mamit, Luangpawla an Principal Gopal Verma leh PT Miss Anshay Singh chu insawn nghal turin an hriattir.

MZP hruaitute sawi danin JNV thawk tura MR an lak Mizo hmeichhe pakhat chu nimin khan an Principal chuan chhan leh vang awm lova a ban nia hriat a  ni a, MZP hruaitute leh Police leh Magistrate lam an kal nghal a, buaina sosang lovin an tin thei a ni.

JNV-ah hian SDC  Pi Grace Lalremdiki Sailo hovin sawihona neih nghal a ni a, ban an tum tak Mizo chuan thil thlen dan sawiin, PT miss hian hostel chu pawn lamah a kalh khum thin a, tun hnai lirnghingah khan an mangan avang leh tlan chhuahna a awmloh avangin kalh khum tawhlo tura a tih hnuah pawh ala kalh khum zel avangin tala a dahbova. PT miss hian Principal hnena a zualko hnuah Mizo nu hi bang tura hriattir a ni.

MZP hian Principal leh PT Miss hi a rang thei ang ber a sawn nghal tur a an tih chu, Magistrate kalte hian Vidyalaya Management Committee Chairman, District Bawrhsap ni bawk hnenah lo thlen an tiam avangin nizan dar 11:30 pm khan an tin darh thei a ni.

- DD News





• • • • • • 
Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]


Post a Comment

He post chungchanga i ngaihdan lo sawi ve rawh:

Previous Post Next Post