I TUM TIHLAWHTLING TURIN THLE KUAL MAI MAI SUH

_I Tawpna Tur Hmuchhuak Rawh_

- Rick Warren

- January 28, 2025

“Heti hian ni rawh se, nula tu hnenah pawh, ‘Khawngaih takin ka in tur tui bel kha han tihniam teh khai,’ ka tiha, ‘In rawh, i sanghawngsei te pawh hi in tur ka pe ang e,’ titu apiang, chu mi ngei chu i chhiahhlawh Isaaka tana i mi ruat chu ni rawh se.” Genesis 24:14

Genesis 24:4 ah hian Pathianin hna a pek che i tihhlawhtlin theih nan entawn tur Eleazaran a pe a ni.

Vawiin thlenga kan zir tawh atangin heng hi kan mamawh a - 

* Mahni nuna insawrbing

* I duh chu chiang taka sawi 

* Pathian thutiam zawn

* Pathian tanpuina dil

Nangmah leh i thiltum indaidanna pawh hi i hriatchian a ngai. “Eng vangin nge ka la neih loh? Ka nih tur chu eng vangin nge ka la nih loh? Keimah leh ka thiltum inkarah hian engnge awm?” tih te hi inzawt ang che.

I kalkawng daltu eng te nge? Chung harsatnate chu - sum leh pai, zirna, rilru, inlaichinna nge thil dang zawk?

I kalkawng daltu chu ngun takin thlir la. Rinna hian thil nihna tak tak hi a hnawl ngawt lo. Rinna chuan, “Harsatna chu ka hmu ngei e nimahse, harsatna aiin Pathian chu a ropui zawk tih ka ring.”

I mutan i hriatchhuah tawh chuan, ruahmanna a malte tein siam la. Eleazaran engtin nge a tih.

Bible chuan, “Chhiahhlawh chuan a pu sanghawngsei zinga mi sanghawngsei sawm a hruai a, a pu thil tha tinreng kengin a chhuak ta a … tlai lama hmeichheho tui chawi tura an chhuah hun lai tak chuan, dai kianga tuichhunchhuah kiangah chuan a sanghawngseite chu a thinghthittir a. ‘Aw Lalpa, ka pu Abrahama Pathian, khawngaih takin vawiinah hian mi hlawhtlintir la, ka pu Abrahama chungah chuan khawngaihna lantir ang che… Heti hian ni rawh se, nula tu hnenah pawh, ‘Khawngaih takin ka in tur tui bel kha han tihniam teh khai,’ ka tiha, ‘In rawh, i sanghawngsei te pawh hi in tur ka pe ang e,’ titu apiang, chu mi ngei chu i chhiahhlawh Isaaka tana i mi ruat chu ni rawh se” Genesis 24:10-12, 14.

Eng nge Eleazara khan a tih? Nula nungchang tha tak a zawng a, ruahmanna a siam a ni:

1.Tuichhunchhuahah hmeichheho tui chawi hun lai takin a kal.

2.A sanghawngsei pawh tui in tur petu beiseiin ruahmanna a siam.

3.Enfiahna a paltlang hnuah thilpek tha tak a pe.

4.Hmeichhe chhungkaw chanchin a zawt.

5.Sawmna a dawngzui nghal.

6.In lamah a kalchhan a sawichhuak.

7.A dilna chu a hmu ta.

Mawlmang takin awmze nei siin, fel takin ruahmanna a siam lawk.

Nang pawhin ti ve rawh. I kalkawnga daltu awm theite chu ngun taka i ngaihtuah a ngai. I phak lohna chu zirthiamna lam a nih chuan, engtin nge chu thiamna chu nei turin i zir theih ang? Inlaichinna lama harsatna a nih chuan, engtin nge i tum ram thleng turin hliam chu i tihdam ang?

Hlawhtlinna chang turin hna tam tak a awm, a pumpelhna chu tei kual mai mai hi a ni. I tei kual mai mai chhung khan miin rim takin an thawk ang a, hlawhtlinna an chang daih mai ang. Vawiinah hian ruahmanna siam la Pathian thil tum chu tihlawhtling turin thawk ang che.  

Ngaihtuah zui atan.

* I tum lian tak daltu eng te nge awm?

* I tum i thlen ngei theihna turin, a mal te te a tih ngai eng te nge i tih ang?  

* Tun dinhmunah hian, ngil takin i kal nge, i thle kual mai mai zawk?

*[Lettu: Sangpuia]*