Vawiin ni 20, January 2024, Thawhtanni hian Mizo Hnam Runah chhung inkhawm neih a ni a. MNF Vice President Vanlalzawma chuan thusawiin, MNF party chu rammut laiin hnam Sipai ten chaw puarkhawp pawh hmu manglo chung pawhin, Theipui rah hmin hmu an lo awm pawh a, a hmu hmasa ten ei bik mai lova insem tel tel chungin ram leh hnam tan an tha leh zung an hlan a. Kan din hmun mek en hian; He ram hi a him em? He hnam hi a dam em? a ṭul chuan, he ram leh hnam tana thi turin MNF ṭobulah i kir leh ang u, a ti.
"LC/ VC inthlan lo awm turah, MNF Block leh Unit hruaitute an phur thu te, MNF Block leh Unit an phur chhan chu; ZPM sawrkar a lo pian theihna tura vote-tu tam tak ten, ZPM sawrkar an support-na an in withdraw mek vang a ni. ZPM sawrkar chu, inthlan hma a an sawi angin an awm lo, an sawi loh angin an awm zawk a ni. ZPM sawrkar chu an sawrkar hma leh an sawrkar hnu an thusawi a insual nasa hle a ni," MNF Vice President chuan a ti.
"Sawrkar kan hrawn mek ah Thalai beidawng an tam thu sawiin, Thalai beidawngte luhkhawmna buatsaih a ṭul thu leh Hmeichhe tana hamthatna siam chung chang MNF party chuan ngaihpawihmawh a ṭul thu sawiin, sawrkar kan hrawn mek a beidawngte luhkhawmna turin MNF party chu a inbuatsaih mek a ni. Covid vanga harsatnate, Assam nen kan ramri avanga ram humhalh kawngahte, kan Unau Raltlante (Bangladesh, Manipur leh Myanmar) aṭanga lo lut te tuamhlawm a, budget pawh awm lo a MNF sawrkar in thiam taka Kohhran leh Tlawmngai pawl te a thawhpui danah Zoram mipuiin min lawm a ni. MNF party chu, kan thlahtute atanga Pathian min pek Mizoram leh a leilung fate humhalha venhim, Mizo hnahthlakte luahchin ram rorelna pakhat hnuaia dah, Mizote sakhua humhim leh chawisan, etc, te pawl thil tuma neitu party kan ni," Pu Vanlalzawma chuan, a ti bawk.
Pu R. Lalzirliana PAC Member chuan, Ṭawi East-Block a zin report pe in, VC inthlan lo awm turah beiseina sang tak an neih thu sawiin, ZPM chu Rotekawla 'Sepa' anga, tlankhawm kha an ni a, Control an har ngawt ang, a ti.
He inkhawm hi Pu Lalmuanpuia, Ex-MLA, Gen. Hqrs Secretary-in a kaihruai a, Upa Vanlalneia, AMC Ward-VII Corporator & MNF Gen. Hqrs. Secretary-in hunserh a hmang a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: