Aizawl | Jan 15, 2025: Nimin chawhnu khan ZORO chuan Aizawl Press Club-ah thuthar thehdarhtute kawmin, Border Pass nei lo tan ramri kan theih loh ZORO-in a vei thu leh, Human Rights Council leh UN Permanent Forum on Indigenous Issue-ah an thlen thu an sawi.
India sorkar laipui chuan Zofa ram hrang hranga chengte zalen taka kan in tlawh pawh theihna Free Movement Regime chu thiatin ramri kan turte reng reng tan Border Pass neih ngei a tul leh Border Pass neilo tan ramri kan a theih lohna dan chu January 1, 2025 atangin a keng kawh tan ta a. He thu ZORO-in a hriat veleh pawi a tih zia leh he thil hi thiat leh ngei tura a duh thu Press Release a tichhuak nghal a, Human Rights Council leh UN Permanent Forum on Indigenous Issue-ah pawh a thlen nghal bawk.
India Sorkar laipui chuan ramri-a inkal pawhna tur Entry/Exit points 18 ruatin chung zinga 2 chu Pilot sites atan leh Phase I-ah hmun 3, Phase II-ah hmun13 a ruat fel a. (copy thil tel) Ramri kan theihna tur chhuanlam atan- unaute tlawh., khualzin (tourism), sumdawnna, infiamna, official duty, medical treatment, Border Trade Affairs, Attending seminars, meetings or conferences leh Cultural Exchanges programmes te an ni tih a tarlang a. Border Pass nei thei tura a tarlante chu ramri aṭanga km 10 huam chhunga mi chauh an niin Border Pass dam hun chhung tur pawh ni 7 chhung a bituk nghal a, heng Pass te hi ni 7 ral hmain mahni lakna hmunah thehluh leh ngei tur a ni bawk. Border Pass dil tu chu ramri atanga km 10 chhunga mi a ni ngei tur a ni a, a ni tih Proof-na (Proof of identity) Police Post a\angin emaw, a chenna khaw hotute hnen atangin a neih ngei a ngai bawk. Thil mak tak chu Border Pass pe thei tur chu Civil Officer/ Magistrate ni awm tak a ni nain pe theitu tura ruat (designated Officer) Assam Rifle-in a pe chhuak dawn a ni.
Khawvelah hian Politics kal sual avangin hnam khat ni si ram hrang hranga thendarh te an awm a, a then chu hnam hrang ni si awp khawmte an awm bawk a. Zofate hi then darha awp darh chu kan ni. UN chuan Zofate hi Indigenous People-ah min pawm a, min lakluhna no. chu Index No. 1236524 of May 21, 2004 a ni. Khawvel Sorkar Inzawmkhawm (United Nations Organisation) chuan Indigenous People -te chu hnam an nihna anga an dikna chanvo humhim sak a nih theih nan, an tan Thupuan (Declaration) siam tulin a hria a, UN Human Rights Council chuan uluk takin Declaration chu a duang a (a sawihonaah hian ZORO hruaitute pawh an tel ve thin), UN General Assembly vawi 61-na, September 7, 2013-a Human Rights Council-in a thehluh Agenda item 68-na, “United Nations Declaration on the Rights of Indigenous People” chu sawi ho a ni ta a. September 13, 2013-ah vote lak a ni. Member kal 158 atangin tha ti 143, a thalo ti 4, hai 11. Tichuan hneh takin adopt a ni ta a, a \ha tia vote petu zingah India sorkar leh Myanmar sorkar pawh an tel ngei a ni. UN Declaration on the Rights of Indigenous People, 2007(UN-DRIP) chu khawvel sorkar zawng zawngin zaha pawma hmang turin UNO chuan a phut nghal bawk. UN-DRIP chuan Araticles 46 a nei a, Article 36 : (1) Tualchhuak hnamte, a bik takin khawvel sorkar ramri khamin (international boundaary) a thendarhte chu an inkal pawhin an intanpui ang a, sakhaw thil leh khawtlang thil, ei leh bar leh politics-ah te anmahni mi leh sate nen inpawha inpawlho theihna dikna chanvo an nei.
(2) Ram roreltu(sorkar) chuan tualchhuak hnamte nena inbe rawnin he dikna chanvo tipuitling tur hian hma a la ang.
Article 36(1)-na a chiang taka lo lang ta chu Zofa Mizorama chengte leh Zofa Chin Hills/ Sagaing Division(Myanmar) a chengten khuahkhirhna awm lova inkal pawh theihna dikna chanvo kan neih chu a ni. Chu bakah Article 36(2)- na chuan India sorkar laipui chuan chu dikna chanvo kan neih chu kan hmana kan \han lentir theihna turin ruahmanna min siam pui zawk tur a ni tih chiang takin a tarlang bawk. Vawiina kan chunga thil lo thleng ta erawh chu chu kan Dikna chanvo UN-DRIP in min pek chu India Sorkar laipui chuan min rahbeh sak mek a ni. India sorkar laipuiin UN-DRIP kalh zawnga hma a la hi ZORO chuan pawi a ti takmeuh a, Zofate zalen taka kan inkal pawh theihna Free Movement Regime a titawp hi tinung leh ngei tur leh ramri kân tura Border Pass neih ngai tura thupek a siam hi hnuk kir leh ngei turin Zo Re-unification Organisation(ZORO) chuan India sorkar laipui a ngen a ni. Hemi chungchang hi ZORO chuan a tul angin a ngaihtuah zel dawn a, na taka dodal turin ruahmanna a la siam dawn a ni.
Zofate hi hnama ding chhuak turin kan insuihkhawm leh a ngai a ni tih chu ZORO Policy ziding a ni. Chumi tipuitling tur chuan dikna hma chhuanin, tharum tel lo hmanrua a hmang zel ang. A pawimawh ber chu Zofa zawng zawng te |ANRUAL a ni. Zofa- India, Myanmar leh Bangladesh-a chengte hi unau, thisena in zawm, inthen thei lo kan ni a, thendarhin awm tawh mah ila insuihkhawm lehin rorelna pakhat hnuaiah kan awm ngei tur a ni. Chu chu kan dikna chanvo, UN-DRIP in min pek a ni a, chumi tipuitling tur chuan kan zavaiin i tangrual ang u. Tichuan kan hlawhtling ngei ang.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: