Aizawl | December 6, 2024: Vawiin December ni 06, 2024 (Zirtawpni) hian Mizo Hnam Run chhung inkhawm neih a ni a. Hun hnihnaah Dr Vanlaltanpuia Ex MLA & MNF Gen. Secretary chuan thusawiin, Nationalism chungchang a sawi. Nationalism awmzia chu Hnam rilru put ringawt nilovin ram leh Hnam tana pen chhuah a, a taka Zonunzemawi nunpui a, chet chhuahpui a ni, tiin mahni mai bakah midang lainatna leh ngaihsaknate chu Hnam hmangaihna dik tak a ni, a ti. Zofate zingah inpumkhatna a lian chho zel a, Geographical boundary chuan Zofate inunauna a daidang theilo a, thinlunga inkungkaihna leh a taka chet chhuahna chu ram leh hnam hmangaihna (nationalism & patriotism) dik tak a ni, a ti. Mizo Nationlism-ah thanharh zual zel a ngai a, Mizoramin hma a sawn zel nan lêh Hnam a boral loh nan zirna ngai pawimawh hmanga Nationalism a taka lantirin, ṭan kan lak zual sauh sauh a tul thu a sawi bawk.
Dr Vanlaltanpuia chuan, Thangthar te kutah Natioanlism hi kan dah thiam a tul thu sawiin, Thangthar te pawhin Infiamna lamah te, lehkha zirna kawngah te, Ruihhlo do na kawngah tan kan ngaih zia leh hnam boral lohna tura tana ke kan pen nasat a ngaih zia a sawi bawk.
Dr. Tanpuia chuan ZPM sorkar a hmuh dan leh an kal dan demawm a tih thu sawiin, an sorkar hma a an intiam ang lo zela khawsa an nih thu sawiin, kan ti ang an tih chu, kan ti lo ang, an tihna ang zela a ngaih thu a sawi a. Mipui tan a ding tur anga lang si, Mipui tan a harsatna siamtu zawk an nih zel thu sawiin, sorkarna an siam hmaa an insawi dan leh an manifesto te nen thlirin, tuna an kaldan chu a inpersan hle a ni. ZPM in, 'kalphung thar, mipui sorkar' an zawrh kha anmahni ngei hian tunah hian an bawhchhe mek zel a. Oil man tih san te, Buhfai man tih to te chu an sawrkara langsar zual alo ni ta a ni. Tin, social media-a an chakna hmangin thalai leh mipui an bum mek zel a, Mipuite kan harh a hun hle a ni, a ti bawk,
Mizo Hnamrun chhung inkhawm hi Pu D.Thangliana PAC Member MNF chuan kaihruaiin, Upa Chhantluanga, Ex MNA , MNF Gen. Hqrs. chuan hunserh a hmang a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: