ACG Jr. NBA 3v3 National League Finals khel turin Mipa leh Hmeichhe Team pali an tling.
Aizawl | December 6, 2026: India ram puma U-14 player tha ber berte tana ram pum huapa 3v3 intihsiakna buatsaih leh ram chhunga school-based basketball programme lian ber ACG Jr. NBA program City League final chu nimin khan Aizawl-ah khelh zawh a ni a, hmeichhia-ah Pine Mount School, Shillong leh Mipa-ah Graceland School, Aizawl te pakhatna an ni.
ACG Jr. NBA program City League final, Aizawl-a neih zawh tak atang hian Mipa leh Hmeichhe team pathum leh mipa leh hmeichhia division tin aṭangin all-star team pakhatin nakum kumtir lama khelh tur league final an lut.
ACG Jr. NBA 3V3 City League zawh takah hian Pine Mount School, Shillong atangin Wankmenbiang Mawlong (U-14 hmeichhia) leh Graceland School, Aizawl (U-14 Mipa) atangin Michael Lalnunmawia te chu Skechers MVP chawimawina hlan an ni a, he tournament Aizawl a neiha an chet that avangin Skechers MVP chawimawina hlan an ni.
Mipa top scorer-ah hian Graceland School, Aizawl aṭangin Phillip Lalnunkima Langsing chu point 122 hmuin a rawn lang a, hetihlai hian St. Mary’s Higher Secondary School, Shillong ami Phillarishisha Myllienmngap chu hmeichhe lamah hmu sang berin point 44 a hmuchhuak a ni.
He programme vawi 11-na hi Basketball Federation of India (BFI) nen tangkawpin neih a ni a, Skechers chu official kit partner atan hman a ni.
ACG Jr. NBA 3v3 City League – Aizawl dinhmun:
Hmeichhe huang-
Pakhatna - Pine Mount School, Shillong (Meghalaya)
Pahnihna - St. Mary's Higher Secondary School, Shillong (Meghalaya)
Pathumna Home Missions School, Aizawl (Mizoram)
A tha thlan khawm:
1. Ashley Remsangkimi- Graceland School, Aizawl (Mizoram)
2. Emily Lalremtluangi- Lalmalsawma Memorial School, Aizawl (Mizoram)
3. Ruth Lalrintluangi - Graceland School, Aizawl (Mizoram)
4. Chawngthapari - Lalmalsawma Memorial School, Aizawl (Mizoram)
Mipa huang:
Pakhatna - Graceland School, Aizawl (Mizoram)
Pahnihna - JC Elementary School, Aizawl (Mizoram)
Pathumna - Home Missions School, Aizawl (Mizoram)
A tha thlan khawm:
1. Marvin Lalhriaktima - Mount Carmel School, Aizawl (Mizoram)
2. David Romingliana - Home Missions School, Aizawl (Mizoram)
3. Amosa Lalruatfela - North Point School, Aizawl (Mizoram)
5. Lalromawia - Tiny Tots Higher Secondary School, Aizawl (Mizoram)
ACG Jr. NBA program-ah hian mipa leh hmeichhia intihsiakna hrang hrang a awm a, ram chhung hmun hrang hranga school hrang hrang aiawh team te an tel a ni.
He program hi Mumbai, Chennai, Aizawl, Delhi, Bhubaneshwar leh Ludhiana-ah te neih a ni a, khawpui tina mipa leh hmeichhia team tha ber pariat te an inel. Chuta ṭang chuan, mipa leh hmeichhia team ṭha pathum bakah division tin aṭanga a thiam thlan khawm team pakhat ten nakum kum tir lama khelh tur league final an lut.
Jr. NBA program hian kum 2013 aṭang khan neih tan niin, India khawpui 35-ah ṭhalai maktaduai 14 chuang leh physical education instructor 15,000 chuang hnen a thleng tawh a, ACG Jr. NBA program hi India rama NBA-in basketball hmasawnna zau zawk a kalpui mek zinga mi a ni a, tualchhung sumdawng leh pawl hrang hrang te nena thawhhona a tel a ni. NBA Basketball School, Basketball hmasawnna atana duan ah hian mipa leh hmeichhe player kum 6-18 inkar leh Basketball Without Borders Asia, NBA leh FIBA’s global basketball development leh khawtlanga intihsiakna angin India rama vawi hnih neih tawh a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: