TIRHCHHUAHNA ROPUI HI THURAWN A NI LO

_Hnuhma Chhinchhiahtlak Hnutchhiah_

By Rick Warren 

— Dec 18, 2024

“Lei leh vana thuneihna zawng zawng ka hnenah pek a ni tawh. Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptist ula, thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, in hnenah ka awm zel ang.” Matthaia 28:18-20

Khawvel pumpui hian Isua a mamawh a ni.

Isuan chiang takin hetiang hian a sawi nawn awn awn a, Tirhchhuahna Ropui tiin kan hmu a ni, “Lei leh vana thuneihna zawng zawng ka hnenah pek a ni tawh. Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptist ula, thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, in hnenah ka awm zel ang.” Matthaia 28:18-20

Engti turin nge? “Kal chhuak turin”

Hei hi thurawn a ni lo! Duhthlan theih pawh a ni lo. Pathian fa i nih chuan, Pathianin kal chhuak turin a beisei che a ni.

Eng hna nge thawh tur? Kal chhuaha hnam tina mi zirtira siam hna a ni. Zirtirte chu he leiah hian kawng ruk thawh tur kan nei a: Pathian hriat leh hmangaih, thlarau lama thanlen, pawl kaltlanga Pathian rawngbawl, Chanchin Tha hril, thinlung zawng zawnga Pathian biak.

Tu hnuaia thawh tur nge? Sawrkar emaw political party hnuaiah emaw a ni lo va. Isua hnuaiah a ni.

Eng mawhphurhna nge pek i nih? Kalchhuakin ram engemaw bik zirtira siam tur a ni dawn em? Ni lo ve. Ram zawng zawngah. Ringtute hawtu ramte hi huam tel tur an ni em? Ni e. Politik avanga buai ramte an tel em? Aw tel e. Eng ram mah kal kan a thiang lo. 

Chu chu i tan awmzia eng nge a neih? Khawvel pumpuiin Isua a mamawh a nih chuan, Chanchin Tha chu i tlangaupui tur a ni. Alzheimer, AIDS leh cancer natna damdawite hi i hria a nih chuan i puangdarh lo thei lo vang.

Chung ai pawha tha damdawi chu i hria a ni. Mihringte rilru na damna leh mihringte mamawh ril ber i hria a ni. Chhandamtu an mamawh. Ngaihdamna an mamawh. Nun an neih theih nan leh vanramah an chen ve theih nan, an thiltihsual ngaidamtu an mamawh a ni. Tikhawtlai tawh suh. I puandarh a ngai a ni! 

Johana 3:17 ah chuan, “Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e,” a ti. 

Isua an ka duh. Isua i an ka duh bawk. Keimahni leh kan nun ngawta kan buai hi tihtawp a hun tawh a. Chanchin Tha hrilin i buai ve tawh thung ang u.

Ngaihtuah zui atan

* Pathianin mi tumah hi ram danga kala Chanchin tha hril turin a ti hran lo. Nimahsela, ram danga kal lo chuan chanchin tha chu engtin nge khawvel pumpuiah i theh darh theih ang?

* Chanchin tha hril hi i hlau emaw i ngam lo emaw a nih chuan Tirchhuahna Ropuiah hian englai ber hian nge i mamawhna zawnah huaisenna pe che?

* I mite zingah engtin nge Tirhchhuahna Ropui hi kawngkhat talin i tihhlawhtlin theih ang?  

[Lettu: Sangpuia]