ENGKIM HI PATHIAN VANG A NI

_Hnuhma Chhinchhiahtlak Hnutchhiah_

By Rick Warren 

— Dec 17, 2024

“Amah aṭang leh, amah avang leh amah atan thil zawng zawng a lo awm a ni si a; ama hnenah chuan chatuanin ropuina chu awm rawh se.” Rom 11:36

Nangma chungchang a ni lo.

Pathian chungchang vek a ni zawk.

Chung pahnihte chu an kal kawp a. A chhan erawh chu nangmah vang ni lo vin Pathian vang a ni zawk..

Hei hi i hriatthiam phawt loh chuan, nun hian awmzia a nei lo vang. Hringnunin a tum chu nawmsaknate, in leh lo te, hmingthanna te, politic te, thuneihna te leh lar hi a ni lo. Khawvelin a ngaihsan ang hi a ni lo. Hringnun a thiltum pawimawh ber chu Pathian ropuina tur a ni.

Rom 11:36 ah chuan, “Amah aṭang leh, amah avang leh amah atan thil zawng zawng a lo awm a ni si a; ama hnenah chuan chatuanin ropuina chu awm rawh se.” Khawvela awm leh vansang awm zawng zawngte pawh hi Pathian ropuina tura siam an ni.

Chu chuan engnge awmzia a neih?

Engkim hi nangmah vang a ni lo va Pathian vang a ni zawk — pawisa peipun emaw lar emaw thil dang khawvlein a ngaihpawimawh te aia ngaihpawimawh tur anih chuan Pathian hmangaih chu i tihtur hmasaber a ni. Isuan hetiang hian a sawi a: “Lalpa, i Pathian chu i thinlung zawng zawngin, i thlarau zawng zawngin i rilru zawng zawngin i hmangaih tur a ni,’ tih hi. Chu chu thu pek ropui leh pawimawh ber a ni.” (Matthaia 22:37-38).

Eng thildang mahin he thudik hi an luahlan lo vang! Chu chu i bawlhpelh chuan, i nun i khawhral mai mai ang. Hringnuna thil pawimawh ber chu nangmah siamtu Pathian hriat leh amah hmangaih hi a ni.

Zawhna ka zawt ang che. I damchhunga amah hmangaih chu i tum em? I tunhma nunah chuan Pathian ilo hmangaih ber tawh pawh a ni thei e. Eng nge lo thleng? Ila hmangaih reng em? I hmangaihna hmasa kha i ban ta mai em ni? I thil lo dawn fo tawhte i ngaihtuah chang hian ngaiah i neih ve tawh em. Isua Krista avanga thil hlu tak i neih hi theihnghilh suh ang che.

I hmangaihna hmasa chu engtin nge i neih leh ang? Bible chhiar ṭhin rawh. Bible Study neih hun pawh insiam a har maithei e. Nimahsela i rilru i pek vek vek chuan, i hmangaih tulh tulh anga i lut thuk zel ang. I nun i zirchhoh meknaah hian, nangmah aia Pathian i dah pawimawh zawk zel chuan i nun chu Pathian avang chauha lo awm i ni tih i inhria ang a, hlimna i chhar belh zel ang.

Ngaihtuah zui atan

* Engtin nge i hnam nunphung chuan i nun chu nangmah hi a ni tih engtin a zirtir che?

* Engtizawngin nge atak ngeiin Lalpa Pathian chu i thinlung zawng zawngin, i thlarau zawng zawngin, i rilru zawng zawngin i hmangaih theih ang?

* Nun hi Pathian vang chauh a awm ani tih hrechiang mi sawi tur pakhat tal i nei em? Anmahni ang chuan engtin nge i nun ve theih ang?

*Isua hnenah ila inpe lo a, ila zuilo anih chua, engvangin nge i nghah reng*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilo chuan miin an chhuang dah ang e.” Ephesi 2:8-9

I sualna te i puang duh aniha, i nunah Isua i thlang duh anih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian emai min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

*[Lettu: Sangpuia]*