Aizawl | Dec 12, 2024: Mizo Zirlai Pawl (MZP) Headquarters, Lunglei buatsaih Futsal Tournament closing ceremony chu vawiin khan CMS Futsal Ground Zohnuai-ah hman a ni a. He hun hi MZP Headquarters, Lunglei President Johan Hmangaihzuala Ralte chuan kaihhruaiin, MZP Headquarters, Lunglei Ex President (LDCC Treasurer ni bawk) Eric R Zomuanpuia chu khuallian a ni.
He hunah hian khuallian Eric R Zomuanpuia chuan MZP Headquarters, Lungleiin zirlai naupangte zirna piah lama infiamna lama hma an sawnna tur ngaihtuaha hma an la chu fakawm a tih thu a sawi a. Eizawnna tlak infiamna chi hrang hrang tam tak a awm tih sawiin zirlaite chu an theihna kawngte zawnga mahni taksate enkawl uluk turin a fuih a ni.
Eric R Zomuanpuia chuan sorkar lo awm tawh hmalakna 'Catch them young' hnuaiah khawvel huap hriat Mizo infiam mi tam tak an awm tawha chutiang ni ve thei tur chuan zirlaite chu ṭan la turin a fuih bawk a ni.
Chawngfianga Memorial School leh CMS Futsal Ground neitu ni bawk F Rohmingliana chuan thu sawiin MZP te'n naupangte zirna piah lama infiamna huanga an hma hun ngai pawimawha insawizawina hun ṭha an siam sak chu lawmawm a tih thu sawiin hun lo kal leh zel turah MZP Hqrs.:Lunglei nena thawh ho na ṭha tak an nei leh zel a beisei thu a sawi bawk a ni.
MZP Headquarters, Lunglei Futsal Tournament buatsaihah hian team sawm pasarih (17) chhuakin Primary Section-ah Govt' P/S Farm Veng chu champion in Govt' Model P/S Electric Veng chu pahnihna an ni a, Middle Section-ah Govt' JNM Model M/S champion in Govt' Venglai M/S te pahnihna an ni bawk a ni.
MZP Headquarters, Lunglei chuan Futsal Tournament a buatsaih a school rawn tel zawng zawng chungah lawmthu a sawi a, hun lokal leh zel turah pawh thawh hona ṭha tak neih chhunzawm leh zel a beisei a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: