MSU-in result ṭha duh vanga Zirlai hnufualte sikul hminga exam phal loh pawi ti

Aizawl | Dec 12, 2024: MSU chuan, result ṭha duh vanga Zirlai hnufualte sikul hminga exam phal loh pawi ti.


MSU chuan thuchhuah siamin, sikul ṭhenkhatten an naupang ṭhenkhat, zirna lama hnufual deuha an ngaihte, result ṭha, pass percentage ṭha duh vang leh Sikul hming chhiat hlauh avanga Sikul hminga exam tura form fillup phalsak an ni lo chu pawi an tih thu an tarlang.

Mizo Students’ Union General Headquarters Executive Committee Meeting vawiin ni 12 December, 2024-a ṭhu khawm chuan kum 2024-25 Academic Session chhunga sikul ṭhenkhatten an naupang ṭhenkhat, zirna lama hnufual deuha an ngaihte, result ṭha, pass percentage ṭha duh vang leh Sikul hming chhiat hlauh avanga Sikul hminga exam tura form fillup phalsak an ni lo chu pawi a ti tak zet. 

MSU chuan, Sikul hming chhiat hlauh avanga an zirlai naupang ngei ngeite pawh exam an phalsak lo chu Sawrkar thupek bawhchhiatnaah leh Naupang chanvo chhuhsaknaah a ngai a, hetiang avanga harsatna nei zirlaite chu MSU hnenah an Hming leh Sikul hming hriattir vat turin Mizoram mipuite an ngen a ni.












• • • • • • 
Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]



Post a Comment

He post chungchanga i ngaihdan lo sawi ve rawh:

Previous Post Next Post