MIFINGTEN THUDIK AN ZAWNG ZEL A

_Isua Tan Hmun Ka Siam Dawn Em?_

By Rick Warren 

— Dec 24, 2024

“Khawiahnge Judate lal lo piang chu?” Matthaia 2:2

Mifingte chuan thudik an zawng a. An nun leh anmahni leh Pathian chungchangah rinthu ringawta kal chu an duh lo a ni. Thudik zawng hmu tur chuan hla fe kal pawh an pawisa lo a ni.

Bible-in a sawi danin mifingten Jerusalem an rawn thlen khan, hei hi an zawt a, "Khawiahnge Judate lal lo piang chu?” (Matthaia 2:2). Mifingten Isua an zawng a. Tunlai hian mifing engemaw zatin an la zawng a ni.

Khawchhak mifingte khan an zawng a. An zir chiang a, an kianga thilthleng chu an en reng a, arsi chu an hmu a — Chhandamtu chu a piang dawn tih an hria a ni. Thlalerah a thla tel ve Pathian zawngin an vak a, a chhan chu Pathian zawnga an thutak em vang a ni. A finthlak hle mai.

Tunlai huna Pathian zawn hi ala finthlak tho a. Thudik zawnnaah hian mi pahnih an awm a— thlirtu leh zawngtu an ni. Thlirtute chuan thudik chu an ringchhin vel mai mai a. An suangtuah kual vel mai mai a. Pathian chungchang chu sawi nuam an ti a. Anni chuan, “Kei chuan Pathian chu hetiangah ka ngai,” emaw “Pathian chu chutiang chu anih ka ring.”

Nimahsela Pathian i ngaihdan hi chuan awmzia a nei thuilo khawp mai. Thudik hi a pawimawh zawka chu a ni. Pathian i ngaihdan chu i tan chuan pawm a nuam deuh maithei a, a diklo thei thung a ni. I hriattur pawimawh chu Pathian suangtuahna mai ni lo vin Pathian nihna tak tak kha a ni. 

Zawngtu tak takte chuan, thudik hmu tur chua hun an khawhral tama, buaina pawh an tawk nasa a ni. Bible emaw Pathian chungchang emaw hmuchhuak turin an rilru pawh a inhawng a ni. Rinhlelhna an neih chuan zawhna an zawt a, a chhanna hmu turin thui tak kal pawh an inhuam a ni. Pathian zawngtute chuan a tawp a tawpah thudik an hmu ṭhin a ni.

Han ngaihtuah teh. Isua pianna khua Bethlehem chu, Jerusalem aṭang chuan mel 6 a hla a ni. Juda sakhaw hruaitu zawng zawngte chu Jerusalem ah chuan an awm vek a, nimahsela tumahin Isua an zawng lo. Juda sakhaw hruaitute bul lawka awm chu mifingte chuan hmu turin a thla tel teh meuh an zawng a ni.

Isua i kiang lawka awm chu i hmu thei a, i hmu lo thei bawk a ni. Thudik chu i hre duh tak tak anih chuan i chan hauh lo vang. Engvangin? A chhan chu Pathianin a hlawhchham tir lo vang che.

Bible chuan, “Mi zawng ang a, in thinlung zawng zawnga mi zanw hunah chuan mi hmu ang.” (Jeremia 29:13). Isua i zawng anih chuan, hmaichhana i hmuh hma loh chuan zawng chhunzawm zel ang che.

Ngaihtuah zui atan

* Hringnunah zawhna i neih hian, thlirtu mai nge i nih a, a zawngtu tak tak? Thudik hmu turin i zawng nasa nge i zeldin mai mai zawk? 

* Isua i zawnnaah hian engin nge dal ṭhin che?

* He Christmas ah hian Isua i hmuh theih nan a takin engtin nge chet i lak ve theih ang? Nitina Bible te, nuna harsatna awmte zirchhuah tuma ṭanlak te emaw Isua chungchang mifing leh rintlakte nena sawiho. Pathian i zawnnaah a lo inpuan theih nan dil an che.

*[Lettu: Sangpuia]