Mamit bialtu MLA-in Airport kawng Tlawng lei dawh mek enfiah; mipui harsatna sutkian dan tur ruahmanna siampui

Aizawl | December 4, 2024: Mamit bialtu MLA-Er. H Lalzirliana'n Airport kawng Tlawng lei dawh mek enfiah; mipui harsatna sutkian dan tur ruahmanna siampui.

National Highway 44, Lengpui Airport panna kawng, Lengte kai lei dawh mek; Network inclined Arch bridge 100 mtr spans at River Tlawng chu Mamit Constituency MLA Er. H Lalzirliana chuan a hmunah enfiahna neiin, he hna thawktu Poddar Infratech Pvt. Ltd te chu mipuite harsatna sutkian thuai a nih theihna atan chak taka hmalakna kalpui turin a ngen a ni.

Mamit Constituency MLA Pu Mazira chuan Lei dawh mek 30th November 2024 a zawh fel tura ruahman, a hun taka zawhfel a ni theilo chu Mamit District mipuite mai bakah, Lengpui Airport kaltlanga Zin vei vak te'n an tawrh nasat dante, khawthlang mipuite te'n kawng hrang hrangah harsatna nasa tak an tawh avangin a rang thei ang bera zawh fel anih theihna atan hnathawktute chu ruahmanna siampuiin, December Ni 6 atanga Ni 10 inkarah lei dawh hna hi zawhfel tum a ni ang a, he mi hun chhung hian zawhfel a nih talo a nih pawhin, December Ni 11, 2024 atang chuan Motor kaltlang theih turin kawng hi hawn a nih tawh dawn a ni. He hnathawh mek hi tha taka zawh fel anih theihna atan a tawp thlengin Mamit Bialtu MLA chuan a enzui tur thu a sawi bawk a ni.

Tin, Mamit Bialtu hian PM Devine hnuaia Lengpui to Saiphal Bamboo link road hnathawk mek chu a hmunah enfiahna nei chhunzawm in, a hma thei ang ber hna hi zawhfel a nih theihna atan leh tha taka thawk zofel turin he hna thawktu Nidhi Creative Company te chu a chah a ni.

Mamit Bialtu MLA chuan Krishi Swarna Samriddhi Week, KVK Lengpui Golden Jubillee lawmna khuallian niin hun a hmanpui nghal bawk a ni.

Mamit Bialtu MLA hi Poddar Infra Tech Pvt. Ltd Manager Mradul Bhardwaj leh National highway Sub Division 1, SDO R Lalthanmawia chuan lo dawng sawngin, Technical Report an lo pe a ni.