"Bana min kaituten Bank-ah min kai lut!" - Lalruatkima
Aizawl | November 27, 2024: MNF General Hqrs. Organiser-te chuan vawiin khan ZTS Farm, Kelsih-ah Political Training Cum Advance Christmas hun an hmang a. He hun hi Dr R Lalthangliana, Sr Vice President leh Pu Lalruatkima Treasurer te'n an hmanpui a ni.
Dr Thangtea chuan thusawiin, "MNF hi kan ram kan hnam himna turin kan tlanchhe ve thiang lo. Pathian leh kan ram tan, titu kan ni a, he pawl hian Pathian dah hmasa chungin ram rawng a lo bawl tawh ṭhin a, a kal zel dawn a ni," a ti a. MNF party chu nghet taka ding, pawl hlun hming pawh thlak ve ngai lo a nih thu a sawi bawk.
MNF Sr Vice President chuan, "Tunah ZPM sorkar hi rei lote atana rawn lang ve zawk, an ni tih hi a lang ṭan tawh. An sawi ang ni lo hlir maiin thil an ti a. A la rei lo hle naa an lakah mipuite an beidawng ṭan der tawh a ni. Tun hnaia inthlanna kan neih Sinlung Hills Council-ah kan tling a, ZPM tan chuan kun ngawih ngawihna tling a ni," a ti a. "ZPM hi a tla dawn chiang a, MNF lo chu ZPM thlaktu tur dang an awm lo, tih hi a chiang a ni," a ti bawk.
Pu Lalruatkima, Treasurer pawhin thusawiin, "ZPM sorkar hian Sawngthung, aieng, hmunphiah leh hmarcha lei turin an insawi a. An hlawhchham an ring nge, thlai thar hmaa inthkang hman turin, VC/LC inthlan nasa takin an pawt hnai ta ringawt mai a ni," a ti a. "Hand holding, an tia, ṭhalaite banah kan kai dawn an ti, min kai ta a, bank-ah min kailut ta a ni. A ngaihna a awm lo. Loan min puk tir an tum ta rinhawt mai a, mirethei leh ṭhalaite leiba min siam sak an tum ta ringawt mai a ni," a ti.
Pu Ruatkima chuan, "Enchhin sorkar lakah mipuiin inchhir kum an puang mek. An tih tura an sawi an ti lo a, an tih loh tura an sawi an ti char char thung a. Buhfai man heti tak maia an tisang te hi a mirethei ngaihsak loh thlak hle a ni. Tin, Party mite induhsakna kalpui lo tura insawi hi a kalpui na ber Party an ni," a ti bawk.
He hun hi Pu Gogo Lalremtluanga General Secretary-in a kaihruai a, Pu R Lalzirliana PAC member pawhin thu a sawi bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: