HOCKEY | Women’s Asian Champions Trophy 2024-ah Lalremsiami Hmar te an champion!

Aizawl | November 20, 2024: Women’s Asian Champions Trophy 2024-ah Lalremsiami Hmar te an champion!

Women’s Asian Champions Trophy 2024 final-ah Remsiami telna - India hmeichhe hockey team chuan vawiin tlai khan China an hneh a, an champion.

India hmeichhe hockey team hi Women’s Asian Champions Trophy ah hian a zawnin an champion a ni.

An hnehna hi India 1 - 0 China niin, Deepika (PC) 31' goal.hmangin an chak a ni.

Vawiin tlai inkhelah hian, Player of the Match-ah Lalremsiami Hmar thlan a ni. Tun championship a khelh zawh hnu hian, Lalremsiami hian India tan match 150 chuang a inlan tawh a ni.

India hian he champion nomawi dawng tur hian khelh 7-ah vawi 7 an chak a ni.

Semi final-ah Lalremsiami Hmar Goal khung hmangin India chuan Japan 2-0 in an hneh - Women's Asian Champions Trophy 2024 Final an lut.

Semifinal lehlamah China chuan Malaysia 3-2 in an hneh a - India leh China ten November 20, Nilaini tlai dar 4:45 hian Final an khel ta a ni.

Tournament-ah hian Asia rama hockey thiam ram paruk - China, India, Japan, Malaysia, South Korea leh Thailand te an inela, group stage-ah an inkhel kual vek a, chumi hnuah a sang zual pali ten semifinal m an khel a ni.