VC Term pawh tawi chungchangah VC Association te High Court-a zualko tum

Aizawl | November 26, 2024: VC Association te chuan, VC Term pawh tawi chungchangah High Court-ah zualko an tum.

Mizorama Village Council nilaite inzawmkhawmna pawl - All Mizoram Village Council Association chuan vawiin khan General Conference an hmang a,  'Village Council zahawmna humhim turin an thiam emaw, thiam lo emaw, sokar lo kal leh zel turten duh duha an sawp mai loh nan High Court-ah kal ni se'  tiin thutlukna an siam.

Dawrpui Multipurpose Hall-a All Mizoram Village Council Association General Conference hi LAD Minister, Pu C. Lalsawivunga'n a hmanpui.

All Mizoram Village Council Association chuan chawhnu-a an thu ngaihtuah zingah 'Village Council zahawmna humhim turin an thiam emaw, thiam lo emaw, sokar lo kal leh zel turten duh duha an sawp mai loh nan High Court-ah kal ni se' an ti a, an pawl inkaihhruaina tur dan thar an pass bawk.