Aizawl | November 26, 2024: Vawiin Thawhlehni chawhnu khan Aizawl South-III MNF South Block chuan Sialsuk Kawn Venga YMA In puiah party workers meet neih a ni a. Khuallian Pu Lalruatkima, MNF Treasurer & Ex-Minister chuan MNF Sorkar hnuaiah lo chuan kan ram a dam lo, tiin thuchah a sawi.
MNF chu opposition nih hriat miah loh khawpin kan phural a, kan lungrual Pu Lalruatkima chuan a ti a, "A chhan chu Pu Laldenga-te khan zofate tan ngaihtuahna tak tak an lo hmang a, kan rilruah hnam thinlung min tuhsak tlat avangin MNF chuan hnam kan hnuchhawn thei lo, kan dinnaah pawh kan nghet bik tlat a ni.
"MNF chuan ni pawimawh bikte kan nei a. Hengte hian min hruai khawm a, mi tinghet tlat a ni," tiin tunah hian kan hma lawkah local body inthlan lo awm tur atan Aizawl city area block leh unit hruaitute nen inkawmhona nei turin ruahmanna siam a nih thu a sawi.
"Village Council 11 (MNF 7 + Non-MNF 4) awmah hian VC 11 kan lak theih ka ring tlat. Thawhhona tha tak leh taihmakna nen hma la ila, kan khawtlang leh party boruak thlir ila. Kawng engkimah hmahruaitu ni thei turin ke i pen ang u," a ti.
MNF Treasurer hian: "Kan chief minister chu Delhi-ah a zin a, a thusawi avangin national news-in an chuk rawn luai luai mai. Tawng thiam an tih - an MP chuan Manipura kan unaute tan tanlak ngaihna a hre lo. MNF MP chuan Manipur chu president rule-ah dah rawh se, a ti ngam," a ti.
"Kan ram hi MNF sorkar hnuaiah lo chuan a dam lo. Tun enchhin sorkar hnuaiah hian chhiah vawi hnih tihpun a ni tawh a. Buhfai leh oil man pung hian a nghawng a na hle. He kalphung thar 'enchhin sorkar' hi eiruk hmang an tihte sorkar aiin a chhe zawk a. Enchhin sorkar kum hi 'inchhir kum' a ni ringawt.
"Nakumah pawh mipui thinlungah chuan inchhir kum a ni leh ang, a kum lehah chutiang zelin. Kum 2028-ah chuan 'inlamlet kum' tiin kan puang ang," a ti.
ZPM sorkarin VC term tihtawi an tum chhante hi an sawi dan a inang lo vek tiin Pu Ruatkima chuan, "Pawisa awm loh vang an tih hi sorkar hmasate chuan chhuan lamah kan hmang ngai lo. Covid lai pawhin inthlanna kan kalpui thei.
"Puk chawpin min kalpui mek a. MNF sorkar chhunga puk zat kha tun thla 11 velah hian an puk der tawh a. He sorkar kan enchhin hi a fuh lo tih a lang zel a, kan inchhir mek a nih hi. Tunah hian ruang 100 chuang phurh man an ba. Hetiang hi tunhmaa awm ngai lo leh MLA-ten an tih mai thin a ni. Tar pension, mid-day meal etc an pe thei lo.
"He sorkar hi mipui sorkar a ni lo. Buara ip ruak pawh an it a ni. Hetiang hi thil awm ngai lo a ni. Kum khat awrhah hian sorkar hnathawk leh mipuiten an ning tawh em em a nih hi," tiin MNF party worker-te chu fuihin an mawhphurhna leh tihturte a sawi a. Pathian lehnlan ram tan taihmakna nen theihtawp chhuaha hma la zel turin kalkhawmte a chah a ni.
MNF Vice President hi Pu TC Kaphmingthanga, GS MNF GHQ leh Pu Malsawmpuia Ralte, Secretary MNF GHQ-ten an tawiawm a. Azl South-III MNF South Block hruaitu leh party workers 80 chuang an kalkhawm a. Zan lamah Azl South-III North Block program chu Falkawnah hman chhunzawm leh a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: