Aizawl | November 26, 2024: PC Party chuan nimin khan thuchhuah siamin, "Mizoram sorkarin Village Council term a pawhtawi hi PC Party chuan kan duh lo a, sut leh nise kan duh a ni." an ti.
 |
| PC Party Logo |
PC Party chuan, "Democracy sorkar lungphum pawimawh ber zing ami chu khawtual inawpna (Village Council leh Municipality) niin hei hi India sorkarin a ngaih pawimawh zual tak avanga VC term atan hian MLA leh Municipality term anga kum 5 hman a ni a. Chumai bakah sorkar hmalaknaah khawtual inawpna te ngaih pawimawh zual chhoh zel niin heng khawtual inawpna pual hian Central sorkar chuan a hranpa ngatin pawisa pawh a dah hrang a. Central duh dan anga kan khawtual inawpna te kan la dah pawimawh loh avang hian fund pawh central atanga kan hmuh theih tur hmuh loh kan la nei teuh a ni." an ti a.
"Party dang kaihhruai sorkar ten an sorkar din hmaa lo ding tawh VC te tha taka an thawhpui mai thin laiin tuna ZPM kaihhruai sorkar kan neih hian khaw hrang hranga party dang kaihhruai VC te a thawhpui tha duh lo a. Minister leh MLA ten opposition VC te an thawhpui that theih loh thu vantlang hriatah sawi fovin VC leh mipui min vau fo mai a. Hetianga sorkar chakna hmanga mipui vaubet chunga VC tam tak neih tuma kan sorkarin hma a la hi a pawiin a tha lo tak zet a ni." an ti bawk.
PC Party chuan, "Dan hmangin, Cabinet thutlukna hmangin, chhan tha tawk awmin VC term hi pawhtawi theih a ni ngei a. Chutihlaiin, tuna VC term an pawhtawi dan hi Dan kalh a ni a. High Court a inrawlh chuan sorkar a buai khawp ang." am ti bawk.
"Tuna VC term an pawhtawi chhan hi chhuanlam dawrawm tak an siam rualin a nihna takah chuan sawhthing hralhna an hre dawn lova an inhriat vang niin a lang a. Hetiang mai maia mipui thlan tlin te zahpah lo taka sorkar a che hi PC Party chuan kan dem tak zet a. An thutlukna hi sut leh ngei turin kan ngen a ni." an ti a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: