Mizo film thar, 'Sual Inthup' a hit

Aizawl | November 23, 2024: Mizo film thar, 'Sual Inthup' chu November 15 zan khan Vanpa hall-ah tlangzarh a ni a, tlangzarh a nih atangin a hit tan hle.

Fanai Pictures kutchhuak film pathumna 'Sual Inthup'-ah hian Zonunpuii Hnamte, Mendal, Zaii hauchhum, Lalengzuali, Edisona Pa leh LV Entertainment te an inlan a, anni bakah hian, Mawitei Tuallawt, Kimkimi Hmar, Faktei, Lalhmingchawia sailo, Mamuana fanai, Suresh, Tim Pachuau, Malsawmsanga, Zohmingthanga, Lalbiakzuali, Lalruatchhungi, Mawitei leh C Lalawmpuia te an inlan bawk a ni.

'Sual Inthup' hi Lersia Play-ah en theihin dah a ni a, mipuin hmuhnawm an tiin, sawi zui a hlawh hle a ni.

He film hi F Lalrindika ziah leh direct a ni a, a movie hi Mizo ten hmuhnawm kan tih dan tur taka ziah a ni a, zirtir nei tha tak a ni bawk. DOP hi Muantea niin, Makeup Artist hi Sawmtei PC, Score hi Laldinpuia a ni bawk.

Movie shooting pualin cast & crew te mahni chhungte leh engkim kalsanin thla hnih chuang an inkulh a, Champhai Zotlang leh a chhehvel bakah Aizawl lamah te shooting neih a ni a, movie shooting neih nan thla hnih hun an hmang.

A thawnthu chu:

Nula pakhat chu Boxing a thiam em avangin Sipaiah lutin, a nu leh a nau college zirlai pahnih chu state dangah a awm bo san a, an inngai em em thin. Pa nei tawh lo an nih avangin chu nula chu an chhungkaw innghahna leh eizawngtu ber a ni.

Chutia sipai hmuna a awm hlanin a nu leh a naute pahnih tual thihna zualko chuan thawklehkhatah a rawn thawng dawt mai a, rang takin a haw nghal a, a chhungte dikna chanvo hai lang turin eng ti ang takin nge a hringnun a hman a, a fight dan leh sual inthup chu engnge a nih tih hre turin LERSIA PLAY lamah i tan dah a ni e.