Aizawl | November 28, 2024: Mizo Academy of Letters (MAL) Pho Chhuah Rùnpui-ah lehkhabu sang hnih chuang an hralh tawh a, Nuai li chuang sum a lut tawh!
MAL Diamond Jubilee puala 'Pho Chhuah Rùnpui' chu vawiin pawh khan Vanapa hall-ah kalpui a la ni a, vawiin khan lehkhabu Bu 478 an hralh thei.
Vawiin khan ni dang aiin tlêmin inhralh a har deuh a, niin thudawnna chuan a tarlang a, tlawhtu erawh an tlêm chhe lo.
Vawiina lehkhabu hralh chhuah zawng zawng hi Bu 478 a ni a, Lehkhabu man dawn zawng zawng hi cheng 96, 895 a ni.
MAL Diamond Jubilee puala 'Pho Chhuah Rùnpui' hi Thawhṭanni (25th Nov. 2024) atang khan hawn tan a ni a, vawiin 28.11.2024 thleng khan lehkhabu 2264 hralh tawh a ni a, Lehkhabu man atanga sum lut zawng zawng hi Rs. 421, 017 a ni.
MAL Diamond Jubilee puala 'Pho Chhuah Rùnpui' chu naktuk (Zirtawpni) thleng hi hawn a ni dawn a ni.
Vawiin-a lehkhabu hralh ṭhat zualte:
1. Nunna Kawng Ṭhuam Puiah – Zikpuii Pa
2. I Thu Ber Lo – Dr. Lalhrekima
3. Ka Hringnun Lehkhaphek – Lalfak Zuala
4. Keimah Unionliana – Lalhmingliana Saiawi
5. Lungrualna Tlang – Zikpuii Pa
6. Ziaktu Ropui Zikpuii Pa – MC Lalrinthanga
7. Keimah Unionliana – Lalhmingliana Saiawi
8. Mizo Chanchin – Rev. Liangkhaia
9. Raltiang Rimawi – Lalhruaitluanga Chawngte
10. Paris Lamtluang – Lalhmingmawia Ralte
11. Lalnunmawia Diary
12. Mizo Saga – John Chhana
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: