Women Commission Chairperson atan C Zodinpuii ruat

Aizawl | October 16, 2024: Mizoram sawrkar chuan, Mizoram State Commission for Women chairperson atan C Zodinpuii a ruat.

C Zodinpuii

Women Commission Chairperson thar C Zodinpuii hi Lalrinliana (L) fanu, Durtlang a cheng a ni.

Women Commission chairperson-ah hian, kum thum chhung emaw Kum 65 a tlin hma emaw, a hmasa zawk zawk thleng a awm ang.

Women Commission Chairperson ruatna hi vawiin khan Social Welfare, Tribal Affairs, Women & Child Development Department Commissioner & Secretary Lalzarmawii chuan vawiin khan a chhuah a ni.

C Zodinpuii hi MSW (Family & Child Welfare Specialization), TATA Institute of Social Sciences, Mumbai atanga zir chhuak a ni.

Sawrkar hna a thawh laiin Social Welfare Department hnuaiah hna hrang hrang - Case Worker, Remand Home Superintendent, Residential Institute Training Centre (RITC), Durtlang hna te a lo chelh tawh a. Directorate of Social Welfare & Tribal Affairs Joint Director-in ni 31.12.2023 khan a pension a. Protection of Women from Domestic Violence Act, 2005 ah Master Trainer a nih bakah Protection Officer-in a awm tawh bawk.