HMUN, HUN LEH ṬAWNGKAM DIK THLANG RAWH

_Tihnghin rual loh_

By Rick Warren 

— Oct 16, 2024

“Engkim tan hian hun ruat a awm a . . . Ngawih hun a awm a, ṭawng hun a awm.” Thuhriltu 3:1, 7

Tun hnaiah emaw nakin deuhah emaw, tute pawh hian inhmuhthiamlohna nasa tak kan la nei dawn. In pu ber emawin i ngaihdan ni lo thil tihtir a tum mai thei che a. A nih loh vek pawhin i nu leh pate nen in ngaihdan a inang  lo maithei bawk e. Inhnialna i tawk a nih pawhin fing taka i hmachhawn a ngai a ni. Hmun dik, hun dik leh ṭawngkam dik i hman a ngai a ni.

*Pakhatna, hmun dik thlang rawh.* Inbiakna chu hmun fianrialah nei ṭhin rawh. Vantlang zingah mi i hnialpui a nih chuan mi dang ṭan zawng khan i ṭawngkam i chhakchhuak palh thei a ni.

Fianriala inbiakna chuan zau takin mi dang nawrna tel lo vin a titi theih tho a ni. Inngaitlawm takin zawhna i zawt thei a, “Hei hi kan chingfel thei ang em?” Chutianga i tih chuan hlawhtlinna i chang thei ang.

*Pahnihna, hun dik thlang rawh.* In pute hnenah emaw, i zirtirtu hnenah emaw, i nu leh pa hnenah emaw, tu te hnenah pawh ni se thusawi hun leh hun lo hi a awm ve a ni. A hun hi a pawimawh. Mi i biak dawnin an lungawilo chung emaw, an rilṭam chung emaw, chau tak leh beidawng tak emaw a an awm laiin be suh. An rilru inhawn lai emaw an hlimlai emaw chang ṭhin ang che.

Bible chuan, “Engkim tan hun ruat a awm a . . . Ngawih hun a awm a, ṭawng hun a awm.” (Thuhriltu 3:1, 7). Inbiakna tak tak i neih dawn chuan, nangmah inzawt la, “A hun a dik em?” tih hi.

*Pathumna, ṭawngkam dik hmang rawh.* Ngenna i siam dan pawh a pawimawh a ni. I ṭawngkam thlang fimkhur ang che. Engkim a hlawhchham a nih pawhin, mawihnai takin lang rawh!

Bible chuan, “Rilrua fing chu mi remhria tih an ni ang a, ṭawngkam thlumna chuan thiamna a tipung.” (Thufingte 16:21). He thu hi inhrilhnawn ka duh, “Mi ka thlem thluk pawhin tumah ka tina lo.” Thal kah duh i nei a nih pawhin thal hmawr chu khawizuah chiah phawt ang che.

Mi nena inbiakna khunkhan tak in neih pawhin, hlawhtling turin ṭan la ang che. Hmun dik, hun dik leh ṭawngkam dik hmang hram hram ang che. Chutianga i tih chuan mi dang pawhin i thusawi ngaithla turin an beng an lo dawh anga, ṭha takin in inbe thei ang.

Ngaihtuah zui atan

* Hun dik loah mi hneh i tum tawh em? Chu chuan eng nge a rahchhuah?

* Ṭawngkam hawihhawm tak i hman chuan mi dang pawh i hneh theih i inring em?

* Mi i lem theih viau avang hian i ti pilh thei tih i hria em? Eng nge lo thleng?

*[Lettu: Sangpuia]*