'Thusawi thiam ta che' lehkhabu tlangzarh

Aizawl | October 3, 2024: Vawiin October 3, 2024, Ningani chawhnu dar 3 khân 'Thusawi thiam ta che' tih lehkhabu chu Divine Intervention School Library-ah release a ni.

He hun hi Upa T. Lalawmpuian a kaihruai a. Book Review Pu Lalrammawia Ngente, ziaktu lar chuan a nei a. He lehkhabuah hian Thupui 111 awmin, thusawi tûrte tâna ṭangkai tûr tak tak a nih ngêi beisei a nih bâkah, thusawi thiam tawhte tân pawha pûr chawkna tûr lehkhabu a nih ngêi beisei a ni. Tin, he lehkhabuah hian thusawitute tâna inzirna tûr piah lamah Bonus tips - Interview skills, Presentation skills leh Listening skills te dah tel a ni bawk.

Book Review neih zawhah Upa R. Zochhawna, Principal, Divine Intervention School-in lehkhabu release-na a nei a. Chumi hnuah lehkhabu ziaktu Nathael Vanchhawng, Life Coach chuan thusawina hun a hmang zui a ni. Ani hian 'Confidence Building - Audio Book' Release tawhin, Inter-School leh Inter-College Public Speaking Competition a buatsaih tawh bawk a ni.

'Thusawi thiam ta che' tih lehkhabu hi Pocket size-a siam niin Rs. 200-in lei theih a ni dâwn a ni.