SAY IET-in ṭhalai Biak in thleng phak lo te tan 'Bring them in' prog kalpui dawn!

SAY IET-in ṭhalai Biak in thleng phak lo te tan  'Bring them in' prog kalpui dawn!

Aizawl | October 19, 2024: India Eastern Territory, Salvation Army Youth rorelna sang ber Territorial General Council Vawi 23-na chu Chhawrtui Corps-ah neih a ni a.He General Council Vawi 23-na hi Session 2-ah then sawm niin, First Session-ah hian Official Agenda te sawi ho a ni a. Second Session hi Budget sawihona atana hun hman a ni. First Session hi Major. Richard Vanlalnghaka Territorial Youth Secretary chuan Chairman niin a kaihruai a. Second Session hi Pu Lalrinliana Sailo, Asst. Leader TSAYC chuan a kaihruai a ni.

General Council-ah hian Kum 2025 chhung atana India Eastern Territory chhunga SAY te hmalakna tur leh rawngbawlna tur hrang hrangte sawi ho a ni a. Chung zingah chuan ; SAY member Biakin thleng phak lo te tan Programmes 'Bring them in' kalpui te, SAY hruaitute tana Sensitazation-cum-Leadership Training - Booth Camp buatsaihte, Youth Multipurpose Center (YMC) Ainawn venga sak mek tichangtlung tura hmalakna kalpuite, Mizoram chhunga Mizo tawng hmang lote tana rawngbawlna zau zawk neihte, TSAY Council hnuaia Publicity Board dinte leh Mission field lam ngaipawimawh leh tih chakte he rorelna ah hian Pass a ni.

He rorel inkhawmah hian Territorial SAY Council member leh Division hrang hrang 8 atangin rorel palai Mi 53 an kalkhawm a. Rorel inkhawm bakah hian Vantlang inkhawm chu 20th October 2024, Pathianni zan thleng neih tura ruahman a ni bawk a ni.

.