MZP ngenna vangin C&I hnuaia AMI hna lak cancel tawh la fel

Aizawl | October 18, 2024: MZP ngenna vangin C&I hnuaia AMI hna lak cancel tawh kaltlangpui a ni.

Commerce & Industries Dept hnuaia hna lak, Cancel chungchang hi Mizo Zirlai Pawl General Headquaters executive meeting vawi 636-na chuan an lo ngaihtuah a. October 16, 2024 ral hma ngeia Interview tura koh tawh mi 10-te chu a ngai anga interview kalpui a nih theihnan MZP hian thuneitute lo ngen tawh a ni.

Commerce & Industries Dept. hnuaia Asst. Marketing Inspector post-1 ruak hnawhkhah nana ni 6 October, 2023 a advertisement tihchhuah tawh, written exam pawh ni 19 July, 2024 a neih fel diam tawh a ni a. Hna diltu mi 102 atanga mi 10 interview tura koh ten interview tura Commerce & Industries Secretary Room an thlen tawh hnua, hna cancel thut a ni.

MZP ngenna vang hian, Commerce & Industries Dept. chuan October 11, 2024 (Zirtawpni) khan Asst. Marketing Inspector hnalaka interview tur mi 10 te chu calling letter pen, October 16, 2024 khan interview neih fel a ni.

MZP chuan, AMI hnalak chungchanga chak tak a hmalatu C&I Dept. changtu Minister F Rodingliana chungah lawmthu a sawi nghal a. Hetianga zirlai hna zawng mekte ti hnual thei zawnga hnalak cancel a awm tawh lohna turin MZP chuan a en zui zel a tum a ni.