_Ni 40 Chhung Tawngtaina_
- Rick Warren
- Oct 2, 2024
“Jabeza chu a unaute aia mi zahawm a ni a … Jabeza chuan, ‘Aw, mal mi sawm ngei la, ka ramri hi mi zauh la, i kut chuan mi awmpuiin lungngaihna ka chungah a thlen loh nan sual lak ata mi thiarfihlim ang che’ tiin Israelte Pathian chu a au va. Tichuan, Pathianin a thil dil chu a hlawhtlintir a.” 1 Chronicles 4:9-10
Mi naranah i inngai maithei e, nimahsela Pathian chuan nun duhawm tak nei turin a duh che a ni.
Bible-ah hian mi naran tam tak an awm a, Pathianin nasa takin anmahni kaltlangin hna a thawh theih an ring tlata naran lo takin an che thung thin. Pathianin tih tur leh tum neiin a dah an inring tlat a ni.
Chung zinga entirna pakhat chu Jabeza hi a ni. 1 Chronicles ah chuan bung 9 ah thlahtute chungchang a sawi a, Jabeza pawh mi zahawm nihna a pe a ni. Hming tarlan tam tak inkarah mi naran Jabeza a lo lang ve nawlh mai a, hetiangin.
“Jabeza chu a unaute aia mi zahawm a ni a … Jabeza chuan, ‘Aw, mal mi sawm ngei la, ka ramri hi mi zauh la, i kut chuan mi awmpuiin lungngaihna ka chungah a thlen loh nan sual lak ata mi thiarfihlim ang che’ tiin Israelte Pathian chu a au va. Tichuan, Pathianin a thil dil chu a hlawhtlintir a.” 1 Chronicles 4:9-10
A chung atang khian Jabeza chanchin chu kan hre thei a, nimahsela a nunphung chu a naran hle tih kan hre bawk. A hlawhtlinna thuruk chu engnge ni?
*Jabeza chuan thil tum lian tak a nei.* Mi thenkhat chuan mi naran anga khawsak chu an lungawi viau laiin, Jabeza chuan amah kaltlangin Pathianin thil ropui tak ti se a duh a ni.
Jabeza thil tum chu a pawimawh tluk zetin, ngaihtuahna dikin a inti phur a ni. Engtin nge Jabeza ngaihtuahna chuan mahni hma a sial lo tih i hriat? “Pathianin a thil dil chu a tih hlawhtlintira” tih atang hian kan hre thei. Pathian chuan dilna zahawm lo chu a hnawl thin.
Mi naran aia sanga awm i duh chuan, ngaihtuah sang rawh! Ngaihtuahna vak vel mai mai nei tura duan i ni lo, “Eng nge ka tih mek? Khawiah nge ka kal?” Pathian chuan thil tum ropui tak nei turin a duh che, phur takin a rawng chu bawl rawh.
*Jabeza rinna chu a ṭhang.* Jabeza chuan Pathianah rinna leh innghahna a nei. Talent emaw thiam bik emaw a neih tarlanna kan hmu lo. Rinna chak lo leh mi naran ve mai a ni.
Hringnunah hian talent leh theihna aia pawimawh a awm: rinna hi a ni. Talent nei tha tak tak hlawhtling si lo leh rinna nei mi hlawhtling tam tak ka hmu a ni. Rinna chu nangmah kaltlanga Pathian hnathawh rinna leh hman theiha i awm i hriattirna hi a ni.
Engtin nge hlawhtlinna chu i chan ang? Jabeza ang hian tum sang tak nei la, i rinna chu lo ṭhang se - Pathianah i innghah chuan tih theih loh engmah a awm lo.
Ngaihtuah zui atan
* Thil tak tak ti puitling turin eng thil nge Pathian hnenah i dil?
* Hlawhtling turin engvangin nge i rilru a pawimawh viau?
* I tum thleng turin i talent leh theihnaah nge Pathianah i innghah zawk le? Pathianah i innghah zual zawk theihna turin engtin nge ke i pen ang?
*I nunah Isua i thlang tawh em?*
Pathianin a thatna chu Fapa, Isua Krista kaltlangin a ti lang tawh a. Bible chuan, “Pathianin khawvel a hmangaih em em a: Chutichuan a Fapa mal neihchhun a pe a, amah chu tupawh a ring apiang an boral lohva chatuana nunna an neih zawkna turin” a ti. Johana 3:16
Chatuana in nun theih nana Pathian thutiam chu ring turin i inpeih em? I inpeih a nih chuan, hetiang hian tawngtai rawh: “Ka sualnate ka puang a, ka Lalpa leh Chhandamtu atan Isua hi ka pawm e. I hnung zuia, i rawngbawl ka duh e. Ka nun tlawm tak hi ka hlan che a, i angchhunga min pawma min chhandam ve turin Isua hmingin ka dil a che. Amen”
Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawh tanna atana pawimawh te a thlawnin ka lo thawn ang che.
*[Lettu : Sangpuia]*
Post a Comment
He post chungchanga i ngaihdan lo sawi ve rawh: