Tuialhthei man tihhniam phutin Commercial Vehicle-te October 23 aṭangin tiam chin awm lovin ding dawn!

Aizawl | October 19, 2024: Tuialhthei man tihhniam phutin Commercial Vehicle-te October 23 aṭangin tiam chin awm lovin ding dawn!

Mizoram Commercial Vehicle Union (MCVU) chuan Tuialhthei man tihhniam phutin October 23, 2024 zing dar 6:00 aṭangin Mizoram pumah an ding dawn.

Date 19th October 2024 (Saturday) a MCVU meeting (MTOA office) a neih chuan Chief Minister zahawm takin a thuphunga NGOCC leh MCVU te min tiam tawh;  Oil man tihniam tura min lo hrilh chu Cabinet Meeting in a ngaia kaltlang leh tihhniam loh an rel tak avangin MCVU chuan Zoram puma Commercial Vehicle zawng zawng chu Date 23rd October 2024 (Wednessday) zing dar 6:00 AM atanga tiam chin awm lova din nise tiin a rel a ni.

PRESS RELEASE

Date 19th October 2024 (Saturday) Mizoram Commercial Vehicle Union (MCVU) Gen. Hqrs Executive Meeting chuan Mizoram Mipui zawng zawng te tan, kan ding reng dawn a ni tih kan inhriattir leh a ni, Mizoram ah Oil man a san avanga mipui ten an tawrhna tur pumpelh theihna atana Mizoram sawrkar ah Oil man tihniam tura lo dil tawh chu Cabinet meeting in rem a tih loh avangin dated 14th October 2024 a lungawilohna lantir kan turn chungchangah NGOCC-te nen inkawmna kan nei a ni.

I. MCVU-in Oil man cheng 5/- ve ve a tihniam tura kan lo dilna chu NGOCC te chuan Oil man cheng 3/- ve ve a tihniam tura an dil thu leh 10 September 2024 atanga Oil man to tur a tihna Order sut lehna (Revoke Order) a chhuah tur thu kan Chief Minister zahawm takin an hnena a sawi chu pawm ve turin min ngen a, MCVU chuan kan ram nu leh pa nih tling NGOCC-te min ngenna chu zahawm kan tia kan pawm ta a ni.

2. Dated 11th October 2024-ah Chief Minister zahawm tak chu hmuh leh a ni a, hetah pawh hian Oil man sang ah revoke order a tihchhuah tawh thu leh Date 16th October 2024 ah Cabinet meeting a koh thu bakah Oil man pawh an tih tlem ngei a beisei thu min hrilh a, chumi avang chuan lungawi lohna kan Iantir tur chu thulh a, Cabinet meeting ni reilo te ah a awm dawn avangin chu tal chu min nghak hram ula a tih chu zah takin kan pawm ta ni.

3. Date 10th October 2024-a NGOCC te nen joint meeting kan neih ni khan, Chairman NGOCC chuan Dated 8th October 2024 (Tuesday)-a kan Chief Minister zahawm takin Petrol Rs 3/- leh Diesel Rs 3/- a titlawm tura ngaihtuah leh a ngaih thu leh Cabinet thurel a nih avanga Cabinet meeting bawkin ngaihtuah leh turin Cabinet meeting pawh koh thuai a nih tur thu te, chumi chhung chuan 'kept in abeyance' a dah tur thu a lo hrilh pawm ve tura min ngenna chu pawm a ni.

4. Mizoram pumah kawng a chhiat em em avangin khaw tam takah Maxicab service pawh an tlan thei lo nual a, Ei leh bar nitin mamawh phurtu Truck te pawh kawnglaiah an tlu in an chhe nasa em em a, Mizoram PWD kawng chan bik te chu Mizoram sawrkarin an siam that thuai kan phut a, Company hrang hrangin an siam te pawh siam tha thuai tura kan ngenna chuan awm zia a nei tawh lo bawk a ni.

5. Date 19th October 2024 (Saturday) a MCVU meeting (MTOA office) a neih chuan Chief Minister zahawm takin a thuphunga NGOCC leh MCVU te min tiam tawh;  Oil man tihniam tura min lo hrilh chu Cabinet Meeting in a ngaia kaltlang leh tihhniam loh an rel tak avangin MCVU chuan Zoram puma Commercial Vehicle zawng zawng chu Date 23rd October 2024 (Wednessday) zing dar 6:00 AM atanga tiam chin awm lova din nise tiin a rel a ni.

6. Zoram mipui ten kan tan a lungawi lohna lantir tur kan ni tih hria a, min lo thlawp theuh turin kan ngenin kan sawm che u a ni. 

(P.SANGHMINGTHANGA) Gen Secretary Mizoram Commercial Vehicle Union (MCVU) Gen.Hqrs

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ