CHAPONA INTANNA HI HMUH HMAIH SUH

Tihnghin rual loh

By Rick Warren 

— Oct 29, 2024

“Chuvâng chuan, aw lalber, ka thu râwn che hi pawmtlâkah ngai la, i sualna chu felnain thlâk la, i suahsualnate chu mi rethei chunga zahngaihnain thlâk rawh, i nunkhaw nawmna hi a sei thei deuh mahna," tiin a chhâng a.” Daniela 4:27

Kan nun hi a kaltluan purh chuan kan lo chapo leh mai ṭhin. Chapona chuan tluknaah min hruai ṭhin. Thufingte 16:18 chuan, “Chapona chu boralna hmaah a kal a, Rilru intivei chu tlukna hmaah.”

Chapona chuan tlukna lo thleng tur chu min hmuhtir thei lo fo ṭhin.

Thutlukna hote siamin tlawm takin i awm chhunzawm thei— chu chuan tlukna lo thleng tur chu a tlai hmain a hmuhtir thei che a ni. Mi te ngaihsan leh awmthei tak emaw i nih chuan hetiang hian bulṭan ang che, i inah haw la, i huanah hna thawk la, nangmah ngeiin thleng sil la, i bula cheng ve te chu ngaihsak ang che.

Tuna i nun chu eng ang pawh lo ni se la, chapona tlangsang ata chhuk tur leh Pathianin i hnenah engnge sawi a tum tih hre tura i hawi zau a ngai a ni. 

Nebukadnezara nunah chu chu a chiang khawp mai. He lal ringlo mi hi Pathianin a ngaihsak hle a, Daniela 4 ah a chungah eng nge lo thleng dawn tih erawh Pathianin a hriattir lawk a ni. Pathian chuan Nebukadnezara lalna chu a chhuhsak thei reng mai — nimahsela insiamṭhatna hun Pathianin pek a duh zawk a ni. Pathianin mumang a neihtir a, Daniela chu a hrilhfiahtir a, Daniela chuan thil lo thleng tur leh a pumpelh dan pawh a hrilh a ni. Chu aia chiang chu i hmu bik lo vang.

Danielan lal hnenah, “Chuvâng chuan, aw lalber, ka thu râwn che hi pawmtlâk ah ngai la, i sualna chu felnain thlâk la, i suahsualnate chu mirethei chunga zahngaihnain thlâk rawh, i nunkhaw nawmna hi a sei thei deuh mahna," tiin a chhâng a.” (Daniela 4:27).

Daniela kaltlangin Pathianin Nebukadnezara chu thil pathum ti tur leh hlawhtlinna a chan tur thu pawh a hrilh a ni. Nimahsela chu hriattirna chu lal chuan a ngaihthah a ni.

Pathian min hriattirlawkna chu hmuh ṭhelh emaw ngaihthah emaw chu a awlin i hre ve em?

Inlaichinnaah harsatna i nei maithei e. Chu chu mi dangin harsatna an tawh ang tho vah ngaiin i lo ngaihthah a ni maithei e, nimahsela Pathianin chu chu nangma nunah a engemaw ber mai chu i zawh fuh tawk tawh lo va, chu chu hriattirna che atan a hmang duh a ni. 

Thlemna hi i buaina chu a ni maithei e, a chhan chu thil tha lo lam i awn tlat avangin. A nih loh vek pawhin i nuna buaina emaw hriat thiam loh thil i neih vang pawh a ni maithei a ni. Heng zawng zawng hi mahni theihna hmanga thil tih duhna - Pathian rinlohna aṭanga lo chhuak a ni.

Khing harsatna aṭanga Pathianin a hriattir duh che chu: “Sual bansan la! Ka hnenah lo kir rawh!”

Kawng i zawh sual a nih chuan, Pathianin a hmangaih avang chein a hriattir ang che. Chu a hriattirna chu ngaithla la, sim la, i chapona sim rawh, inngaitlawm takin awm ang che. He thutiam hi min pe si a: “Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni.” (1 Johana 1:9).

Ngaihtuah zui atan

* Chapona chuan engtiangin nge hun kaltaah khan i mit a tihdel? Eng hriattirna nge i hriat loh emaw i ngaihthah awm le?

* Kawng dik lo i zawh avangin Pathianin chu chu a hriattir chein i ring em? I hnenah engnge a sawi nia i hriat?

* I nunah chapona aia tlawmna i thlan theih nan engtin nge a takin ke i pen ang?

*[Lettu: Sangpuia]*