Sept 21, 2024: Mizoram Official Taekwondo Championship vawi 26na leh Mizoram Poomsae Championship vawi 17na nimin SAI Mission Vengthlanga khelh zawh takah Aizawl Taekwondo Academy Electric Veng chu hneh takin an champion nawn. Championship hi Food, Civil Supplies & Consumers Affair Minister Pu B.Lalchhanzova'n a khar.
Overall Team Champion Aizawl Taekwondo Academy Electric Veng te hi a zawnin kum 4 an champion-na a ni ta a. Point 2831 hmu in a fal hle a. An mahni hnaih bertu Republic Vengthlang Taekwondo Club hian point 1719 hmu in Pahnihna an hauh a. Tin, Team khel tha tak Armed Veng South Taekwondo Club chu Best Fighting Spirit Team a thlan niin Armed Veng Taekwondo Academy chu Most Promising Team Trophy hlan an ni a. Taekwondo Academy of Best Friend team chuan Best Discipline Trophy an dawng bawk.
Ni li chhung Kyorugi (Fighting) inelna bikah Aizawl Taekwondo Academy Champion niin point 2211 hmuin an sang leh ber a. Republic Vengthlang Taekwondo Club chu pahnihna niin point 1027 an hmu a. Gidae Taekwondo Club chuan point 919 hmuin Pathumna an ni thung.
Poomsae (Form) inelna huangah Republic Vengthlang Taekwondo Club point 692 hmu in Pakhatna an ni a. Champion ngun ber Exodus School te chu point 690 hmuin pahnihna an ni ve thung. Tin, 620 hmutu Aizawl Taekwondo Academy ten Pathumna dinhmun an luah ve bawk.
Ngaihhlut hlawh tak Champion of Champions inelna, category hrang hrang champion tena an inchuh 2024 Title Fight-ah Champion lai Vanlalmawipuia Hnamte Taekwondo Club, Venghnuai chuan Champion nihna humhimin a vawi 5 nan a Champion leh a. Hmeichhe lamah R.Lalbiaknuami Chaltlang Veng chuan a tumpui zawng zawngte hnehin a vawi khat nan a Champion bawk.
He Championship-ah hian Robert Muanthansanga (ATA) leh Laltlansang(SAI Aizawl) te chu Kyorugi Best Fighter atan thlan an ni a. Mason Lalmuanzuala leh April Lallianmawii Republic Venthlang club ve ve te chu Poomsae khel thiam ber atan thlan an ni bawk. Player naupang ber Kum 3 leh thla 1 mi Esther N.Lallawmzuali d/o Lalnunzuala, Lawngtlai hnenah lawmman pek a ni bawk.
Champonship kharna hi MATA President Prof.Rualkhuma in a kaihruai a. Khuallian Minister Pu B.Lalchhanzovan fuihna thu sawiin Khualzahawm SAI Regional Director Pu Lianhmingthanga leh MATA Senior Vice President Master VL Sawma ten thu an sawi bawk a. Championship report MATA General Secretary Master Joseph Thansangan pein Pu CH Vanhmingthangan MATA Vice President in lawmthu sawina hun a hmang bawk. Pi R.Lalmuankimi Dy.Director WCD in a hmanpui bawk.
He Championship-ah District 7 atangin Team 35 an tel a. Player 390 an ni a.
Overall Top 10 Team te chu:
1. Aizawl Taekwondo Academy, Electric Veng Point 2831
2. Republic Vengthlang Taekwondo Club Ponit 1719
3. Gidae Taekwondo Club point 1419
4. Armed veng Taekwondo Academy point 1106
5. Armed veng South Taekwondo club point 848
6. Taekwondo Academy of best fiend point 790
7. Kolasib Diatrict TKD Assn point 670
8. Hnamte Taekwondo club point 650
9. Lunglei SAI Point 561
10. Lawngtlai Dist.Tkd Assn. Point 508
- Chhimthli
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: