HLIMNAIN NI BUL ṬAN ṬHIN RAWH

_Ni 40 Chhung Tawngtaina_

-  Rick Warren 

-  Sep 24, 2024

“Thilpek tha leh thilpek famkim zawng zawng chu chung lam atangin engte Pa hnen ata, a lo chhuak thin a ni, amahah chuan danglamna leh herna hlim reng reng a awm thei lo.” (Jakoba 1:17)

Nilenga i rilru awmdan tur chu i thawhhlim minute riat chhung hian a insiam tiin an sawi thin a ni. Nileng a phun, lungawiloh leh tihtauh nge i duh a, nileng a hlim? 

Bible chuan, “Thilpek tha leh thilpek famkim zawng zawng chu chung lam atangin engte Pa hnen ata, a lo chhuak thin a ni, amahah chuan danglamna leh herna hlim reng reng a awm thei lo.” (Jakoba 1:17)

Hlimna chuan nangmah hmangaihtu i Pa i mamawh zawng zawng petu hnen lam a hawi tir ang che.

I ni bul chu dilna emaw inpuanna emaw in tan suh. Hlimnain tan zawk rawh. Pathian thatzia te han ngaihtuah teh. Pa tha tak anih avangin lawmthu hrilh la, a ngaihsak em che avang te, a engtiklai pawha i kianga a awm avangte in lawmthu hrilh rawh. I tana a thatna zawng zawngte han ziak chhuak teh. I lawmna chhante chu hrilh ang che: tui in tur, hmangaihtu chhungkua, mutna leh mutbu avang te, thing hlimna petu te, chenna lum nuam tak mai te avang chuan lawmthu hrilh rawh. I sawi dik leh dik lohah buai suh. I rilru leh ngaihtuahnaa awm chu sawichhuak mai rawh.   

Lawmthusawi paha ni bul i tan dan tur pakhatah chuan hla hrang hrang la khawm rawh. Pathian nihna hriattir thei che leh i tana a thiltihte hriattirna lam hla thlang chhuak rawh. I thawh rual rualin han zaitir la lawmna nun i nei ang. Chibai buk chu bul tanna tha ber a ni!

 A dang lehah chuan i lawmna hrang hrang te ziak chhuak la, khum bulah emaw fianrial hun i hmanna bulah emaw tar ang che. Lawmna hrang hrang chuan Pathian thatna lam a hawi tir thei che a, tichuan lawmnain i inbunchhuak thei ang. 

I zing thawh rual rualin Pathian thatna tawp ngai lo avang leh i tana a that em avangin lawmthu sawi thin rawh. 

Lawm chungin zing tho ang che. Nilengin i hun hman a thlak danglam ang!

Ngaihtuah zui atan

* Engtin nge Pathiana lawm chungin i ni bul chu i tanin i chhunzawm zel theih ang?

* Engtin nge lawmna nena ni thar bul tan chuan nilengin nun a thlak danglam ang?

* Hun liamtaa Pathian thatna i hriatchhuah khan engtin nge i thil hmachhawn apiangah thlamuanna a pek che? 

*[Lettu : Sangpuia]*