Miss Universe 2024 thlanna tura India aiawhtu tur zawnnaa Mizoram aiawhtu tur Miss Universe Mizoram 2024 Roneihpuii kan belchiang.
Neihpuii emaw Roneih emaw Melissa emaw-a koh thin Miss Universe Mizoram 2024 Roneihpuii hi June 5, 2001 khan Lalzarmawii Chinzah leh Benjamin Lalhmingliana te inkarah a lo piang a. Unau 4 zinga upa ber dawttu a ni.
Roneihpuii hi Serkawn, Lunglei-ah a seiliana, Lunglei Chandmari ah an inpui awm in, tunah hian Aizawl Bungkawnah an chhungkuaa khawsain, Baptist Church of Mizoram City Church-ah an lawi a ni.
Ft 5’7 -a sang Roneihpuii hian Mizoram University (MZU) hnuaiah M.A English and Culture Studies result a nghak mek a ni.
Miss Universe Mizoram 2024 Roneihpuii'n Explore Mizoram zawhna a chhannate:
📌 A duhzawng leh ngainat zawng hrang hrangte?
• Lehkhabu duh: If Tomorrow Comes - Sidney Sheldon
• Zaithiam: Zayn Malik, One Direction.
• Chawhmeh: Mai kan, Alu leh arsa
• Hla: So will I - Hillsong Worship
• Hmun: Pathian fak leh chawimawina hmunah hian ka thla a muang thin a, nuam pawh ka ti ber a ni.
• Ziaktu: Sidney Sheldon
• Model: Gigi Hadid
📌 Hobby: Lehkhabu chhiar hi nuam ka ti em em a, zin thawvena hmun thar tlawh te pawh nuam ka ti hle.
• Relationship Status:
- Single
• Kawppui atana duh zawng?
- Pathian tih mi, mi taima leh mahni invawng tak ni thei se.
📌 Miss Universe Mizoram 2024 thlanna a tel chhan:
- Naupan lai atanga ka nu leh ka unaunu te nena kan lo en fo thin, Khawvel huapa miss thlanna tel ve hi ka lo chak thin em em a, hmeichhia te an mawina piah lamah an finna leh midangte tana an inpekna ang kawng zawh ve thei tura platform tha tak a lo inhawng tih ka hriat khan Miss Universe Mizoram thlannaa audition turin ka lo in register ve ta rawih ani.
📌 Miss Universe Mizoram 2024 i ni tih i hriata i awm dan/i rilru a awm:
- Miss Universe Mizoram a tel theih tih ka hriat tirh khan harsatna tam tak ka tawh lai ani a, chak viau mah ila ka tel thei dawn nge dawn lo ka chiang thei mai lo a, Miss Universe Mizoram ka ni tih an puan chiah khan ka rilru lo awm chu keima theihna leh chakna piah lama min puitu Pathian vang liau liau ani tih ka chiang hle a, ka lawm em avangin a vawi khatnan mipui hma ah lawm vangin ka mittui a tla hial ani.
📌 Miss Universe Mizoram 2024 thlanna-a tel hi i lo tum ṭhin hrim hrim em?
- April thla laihawl khan accident vangin ka khingkhangruh a tliak a, Miss Universe Mizoram an thlang dawn tih hre reng chung leh tel chak chung siin ka zuam lo em em a, May thla thleng khan ka ban ding lam ti che theilo in ka la awrh bawk nen, nimahsela chuti chung chuan CG Entertainment ten Mizoram ah a vawikhatna tan Free Pageant Training an neihna ah khan ban awrh chungin vawi 1 pawh hmaih lovin ka va chhim ve ziah a, inrintawkna leh zirchhuah ka ngah em em a. Chutia Taksa lamah pawh hma kan sawn chhoh zel takah chuan huphurh chung chung leh he hun tha hi bawhpelh phal silovin ka tel ve ta ani.
📌 Miss Universe India atana i inbuatsaih dan kawng hrang hrang:
Miss Universe Mizoram ka nih tang khan CG Entertainment ten kawng an lo duan sa zulzuiin theihtawpin inbuatsaihna kan kalpui nghal a, kan fitness partner Slick Gym leh Dietician C. Lalramhluni ten ka taksa theihtawpin min enkawl pui a, vun lamah nise Skinvestment, Mission vengten theihtawpin ka vun min enkawl pui bawk a, OET training centre chhinga veng ten communication skills lamah tan min lakpui bawk ani.
Chumai bakah chuan fashion designer tha ber ber Fairy outfit by Zoyee, Tluangpuii Hmar, Buanga Chhangte leh Mahlui Pearl ten min thawhpui bawk ani.
📌 Miss Universe India-ah hian thlan lo ni ta la:
- Mizote tan mellung pawimawh tak ani dawn tih ka hriat avangin ka lawm em em anga, Miss Universe crown zofate zinga khum hmasa ber niturin ka theihtawp ka chhuah ang
📌 Miss Universe Mizoram 2024-in i nunah nghawng a neih dan:
- Miss Universe Mizoram 2024 a thlan ka nih hnu hian Mizote hi lawmte lawmpui kawnga kan that zia ka hmu fiah em em a,kohhran, khawtlang leh mimal pawhin min lawmpuiin duhsakna tam tak min lo hlan a, chumai piah lamah chuan, entawn tlak taka nung turin keimah pawh nasa takin min nawr kal bawk a ni.
📌 Modelling lam i tui em?
- Modelling hi ka la ti ngai lova, sulhnu ka neih hranpa loh avangin modelling lam hi tunah rih chuan ka tan thil tharlam tak ania, ka hma hun zelah erawh chuan kan la tui chho viau lo ang tih pawh sawi theih loh.
📌 Mizo tualzal nuna hmeichhe dinhmun?
- Mizo hmeichhiate hian hmasawnna tur tam tak la nei mah ila, eizawnna kawngah te, zirna kawngah te, infiamna leh entertainment khawvelah te hian hma kan sawn nasa hle in ka hria.
📌 EXPLORE MIZORAM i hmuh dan:
- Explore Mizoram hi Mizo ten hmasawnna kawng hrang hrang kan neihte leh kan thlen chinah information a rang thei ang bera min chhawpchhuah sak tute an ni a, Mizo ten hetiang information source tha tak kan nei hi kan vannei ka ti hle a, an kal lehzelna turah pawh duhsakna sang ber ka hlan ani.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: