MI DANG NENA INREM CHU PATHIAN NEN PAWH AN INREM

_Min Ti Danglam Ta_

-  Rick Warren 

-  July 30, 2024

“ Pathian pakhat chauh a awm a, Pathian leh mihring inkara Palai pakhat chauh a awm bawk a, amah chu mihring a ni, Krista Isua.” (1 Timothea 2:5)

Buaina i nei a nih chuan a chinfel dan ni lo vin, inrem dan kawng zawng thin ang che.

He thumal pahnih hian inanlohna an nei a. Inremna chu inlaichinna siamthar lehna a ni a. Chinfelna han tih hian eng thil pawh a chinfelna a kawk a ni. 

Thil zawng zawngah chinfelna  a awm thei lo - a chhan chu i pawm theih loh thil a awm thin a ni.

Inhmel duh avanga inkawpnaah hian engkim i remti vek tihna a ni em? A ni kher lo. Finna neih a tul. I fing a nih chuan, I duh loh zawng chu hnar dan a awm a, i hmuh lawk loh thil pawh zir dan a awm a ni. 

I nuna i thiltih theih ropui takte zinga mi chu mi dang nen in inkara lei dawh zawmtu i ni thei, daidanna bang siamtu ni lo vin. Mi dang nena in inrem a nih chuan Krista i ang tihna a ni. Chu chu Isua lo kal chhan kha a ni! Pathianin Isua chu leiah mihring nena inrem turin a rawn tir a ni.

Isua chu inremna hna thawktu ropui a ni. Bible chuan, “ Pathian pakhat chauh a awm a, Pathian leh mihring inkara Palai pakhat chauh a awm bawk a, amah chu mihring a ni, Krista Isua.” (1 Timothea 2:5)

Nimahsela Pathian nen in inrem phawt loh chuan mi dang nen in inrem thei lo vang. Buaina i nei fo a nih chuan, Pathian nen in inrem leh inrem loh nangmah inzawt ang che. I sualna te sim i duh a, i nunna te hlan i duh chuan Pathian nen in inrem thei ang. (A hnuaia tawngtaina hi en rawh) 

Bible chuan Isua chu Remna Lal Fapa a ti a. Pathian nena inremna chuan nangmah leh nangmaha inremna a thlen a, chu chuan mi dang nena inremna a thlen leh a ni.

Ngaihtuah zui atan

* Inlaichinna kawngah buaina i chinfel tum hlawhchham a awm em? In inrem theih nan eng nge hma i lak theih?

* Kristian mi dang nena an inkara lei dawh zawmtu, daidanna bang siamtu ni lo te chuan engtin nge phurna an pek che?

* Pathian nen in inrem em? A nih loh chuan in inremna tur chu engin nge dal che ?

*Pathian nena inrem dan*

Pathian nena inremna bul tanna chu Isua chu Lal leh Chhandamtua pawm a ni. Hetiang hian mawltein i tawngtai thei ang.

“Lalpa duh tak, ka sualna avanga nang nena kan inthenhranna hi ka duh tawh lo. Nang ka rin che chuan ka thiltih sual zawng zawngte min ngaidam dawn a ni tih min tiam angin, nun awmzia hi zir ka tum ta, chuti chuan i vanram in nuamah engtikniah emaw chuan min la pawm ve ang. 

“Ka sualnate ka rawn puanga, ka chhandamtu i ni tih ka ring e. Ka sualnate ka puana nang ka rin che chuan ka him ang tih min tiama. Chhandamna chu khawngaihna avangin rinna kaltlanga kan neih a ni a thil dang vang a ni lo i tih avangin ka ring che a ni. Ka nunah hian Lal ni turin ka pawm ta che a. Vawiinah hian i hnung zui ka duh a, ti tura min tih apiang chu ti turin ka inpeih e.

“Nung tura min siam ang ngeia nun ka duha. Hlimna dik chhar ka duha, mahni tana nun ai chuan damchhunga i rawngbawl ka duh a ni. Ka nunna i hnenah ka hlana, min chhandam tur leh i angchhunga min pawm ve turin ka ngen a che. Isua hmingin ka dil e. Amen.”    

Isua pawm tura i tawngtai thei a nih chuan, he email ah hian min lo hriattir la, min lo bia ang che Rick@PastorRick.com. Isua nena zinkawng i zawh tanna tura thil pawimawh a thlawnin ka pe dawn che nia.  

*[Lettu : Sangpuia]*