Aizawl | July 20, 2024: Nizan (19.7.2024) dar 11:50 vel khan Darlawn Lungverhkawnah kang mei chhuak vangin In luah lai Assam Type pahnih leh Concrete builing pahnih chu a kang ral.
Kangmei chhuak vang hian mihring thi leh hliam an awm lova, Ui pakhat erawh chhan hman loh avangin a kanghlum thung.
Kangmei chhuak hi dar 1:40 AM (20.7.2024) velah thelh mih a ni.
Darlawn khawtlang hruaitute hnen atanga thudawn danin Inkang chhuahna in Pu Zadailova in, Assam Type, a hnuai lam mi pakhat luahlai atanga kang tan nia hriat a ni a, a kan chhuahna inluahtu hi a riahchhuahsan zan a nih avangin cuurent kal sual vanga kangmei rawn chhuakah puh a ni.
In kang hi mut reh lai vel tak a nih avangin a kan chhuah hun lai tak hriat a ni mai lova, a kanchhuah tanna in nia hriat Pu Zadailova te in chhungkaw member pahnih awmna hi bungrua engmah chuh hman a ni lova, an thenawm veilama awm Pu Lalfamkima(Vala) In, Pu Lalremruata te chhungkaw member 6, a hnuai lamah zirlai naupang 3 chenna bungrua engmah an chuh hman lo bawk a.
Hemi bakah hian Pu C.Thanthuama te In Concrete pawh bungrua engemaw zah a kang a, thawmhnaw an zawrh lai a kang a, hemi bakah hian an room pakhat chu a kang chhe nual bawk. A hnuai lam luah Pu Lallawmzuala te In pawh bungrua engemaw zah a chhe bawk a ni.
In kan chhuahna dinglama awm Pu Raldingliana(Zirtirtu pension) In, chhungkaw member paruk luah) Concrete building chhawng 3 chu bungrua chuh hman lovin a kang chhe vek bawk a. An ui vulh lai a kanghlum a, hemi Colony a awm Pi Vawmthiangi in Concrete pawh bungrua a mut chhe nasa hle.
Darlawn Lungverhkawn hi Darlawn khaw chhung laili a awm a ni a, in sak pawh a in hnaih hlawm avangin kangmei chhuak hian a man chak hle nia hriat a ni. He thu buatsaih lai hian kangmei chhuak avanga kangral ta hlut zawng hi hriat theih a la ni lo. PHE Dept. in water public point atangin tui an chhuah avangte, mimal tui connection te atangin tui hi chhuah a ni a, hemi avang hian kangmei chhuak zel tur hi dan chah theih a ni.
Vawiin inrinni hian kangmei chhuak bungraw senghawi tur hian Darlawn khawtlang huap hnatlang koh nghal a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: