THIL DANG ZAWNG AIIN VUINA HIAN MIN TINA THIN

 Hun Rei Daih Thil Ngaihlu Tura Nun Buatsaih

-  Rick Warren 

-  June 26, 2024

“Vuina hian mi a a tihlum thei a, itsiknain mi mawl a that thei.” (Joba 5:2)

Vuina nun i neih reng chuan, thil dang zawng aiin a tina ang che. Vuina chu mahni intihchhiatna mai a ni. 

Vuina chuan awmzia engmah a nei lo!

Vuina tur zawng duh sela, Joba kha vui thei a ni. Pathian mi a ni a, a duh apiang a nei thei a - hausakna, larna leh chhungkaw hung tak a nei. Nikhat thil thuah chung chu a chan vek. Hmelmaten an ranvulh zawng zawng an tihlum vek a. A fate zawng zawng a chan a. Natna khirhkhan tak tuarin a na a. A thil neih zawng zawng a chan vek a ni. A nupui phunchiar tak  nen chiah an awm ta a. A thiante an lo kal a, “Joba, nangma thil tihsual a ni” an la ti zui leh nghal a. 

Joba chuan vuina tur nei tha hle mahse, Bible ah chuan vuina hian awmzia a neihloh zia a rawn tilang chiang hle  a ni. Joba chuan, “Vuina hian mi a a tihlum thei a, itsiknain mi mawl a that thei,” a ti. (Joba 5:2)

Joba chu mifing tak a ni a. Vuina hian awmzia a neiloin a inhria a. Thil atthlak leh awmzei neilo mai niin a hre bawk a ni. I nun hlui i ngaihtuah chuan a lo ni thei dawn tak a i ti maithei a ni. Vuina nun kan neih chuan thil atthlak deuh pawh kan ti duh mai thin. Chutiang khatiang chuan ka ti tho ang tih rilru te kan pu thin a. Atthlak taka kan chet chang a awm thin a. Vuina thinlung kan put phei chuan, mahni intichhe zawngin kan khawsa a, huatna kan neih aiia nasain kan nat phah zawk thin a ni.

Vuina kan neih chuan kan duhlo pui thil te pawh kan tih chang a awm thin a, midang huatna te kan neih phah a. A chhe ber ah phei chuan, tangkaina a nei lo lehzual a ni. Lungngaihna khurah kan inhnuklut mai mai a ni. Duhzawng thil neih kan duhna a tawp theilo thin a ni. 

Chuvangin, vuina thinlung chu pai reng lo la. Ngaidam la, liam tir ang che. 

Ngaihtuah zui atan

* Engvangin nge kan tawngkam hnunghnung apiang hi a pawimawh?

* Vuina nun nei rengte avang hian engtin nge i nunah thiltih nat emaw nghawng emaw a neih?

* Vuina thinlung neih reng chu paihbo turin i hunkal tawhah khan eng thil nge i ngaihdam ngai?

[Lettu : Sangpuia]