Mizoram State 10 Ball Pool Ranking Tournament 2024 Semi Finals nakzanah
Aizawl | June 27, 2024: Mizoram Snooker & Billiards Association (MSBA) buatsaih Mizoram State 10 Ball Pool Ranking Tournament 2024 chu zanin khan Quarter Finals khelh zawh niin, nakzan hian Semi finals khelh a ni dawn.
Mizoram State 10 Ball Pool Ranking Tournament 2024 Semi finals hi race to 8 (frame 8 la hmasa sa chak) a khelh tur niin, player tha rual a insu dawn ta.
Semi finals-ah hian Lalchhandama, Dinthar vs Zonuntluanga, Electric veng leh R Lalthazuala, Chaltlang vs K Lallawmkima, Khatla South te inkhel kan hmu dawn ta a ni.
Zanin dar 7 leh dar 8 khan match hnih ve ve a awm a, table 1 leh table 3-ah an khel ve ve a ni.
Zan dar 7 match-ah hian Table 1-ah Lalchhandama leh Chawngthanzama te an inhmachhawn a, Lalchhandama, chuan 7 - 2 a Chawngthanzama hnehin semi final a inhlangkai ta a ni.
Dar 7 vekah hian Table 3-ah Lalsangzela leh K Lallawmkima te an inhmachhawn a. An inhneh tawk hle a. K Lallawmkima hian 7 -4 in Lalsangzela hi a hneh ta a ni.
Zan dar 8-ah hian, Table 1-ah R Lalthazuala leh Lalremruata Fanai te inhmachhawn a, Table 3-ah Zonuntluanga leh B Lalhruaitluanga te an inhmachhawn thung.
R Lalthazuala hian 7 - 4 a Lalremruata Fanai hnehin semi final a inhlangkai a. Zonuntluanga'n B Lalhruaitluanga chu 7 - 4 veka hnehin Semi final a inhlangkai bawk.
Heti hian, semi finals-ah Semi finals-ah hian Lalchhandama vs Zonuntluanga leh R Lalthazuala vs K Lallawmkima te inkhel kan hmu dawn ta a ni.
MSBA buatsaih Mizoram State 10 Ball Pool Ranking 2024 hi MSBA Hall, Hawla Indoor Stadium, Republic Vengthlang-ah khelh a ni a. Mizoram hmun hrang hrang atangin player 40 chuang an fuankhawm a. Mizoram State 10 Ball Pool Ranking 2024 hi June 29 hian a hmawr bawk tura ruahman a ni.
Pool khel duhte tan, Pathianni tih loh nitin chawhnu dar 2 atanga zan dar 10 chhungin cheng 50 lek chawiin MSBA Hall-ah hian a khelh reng theih a ni.
Mizoram State 10 Ball Pool Ranking Tournament 2024
June 27, 2024 Result
7:00 PM:
Table 1 - Lalchhandama 7 - 2 Chawngthanzama
Table 3 - Lalsangzela 4 - 7 K Lallawmkima
8:30 PM:
Table 1 - R Lalthazuala 7 - 4 Lalremruata Fanai
Table 3 - Zonuntluanga 7 - 4 B Lalhruaitluanga
Mizoram State 10 Ball Pool Ranking Tournament 2024
Semi Final - June 28, 2024 Fixture
7:00 PM: Lalchhandama vs Zonuntluanga
8:30 PM: R Lalthazuala vs K Lallawmkima
An match history tlem a zawng:
May 20 - 25 chhunga neih zawh tak Mizoram State 9 Ball Pool Ranking Tournament 2024-ah K Lallawmkima leh R Lalthazuala te hi semi finalist an ni a.
K Lallawmkima hi March 29 - April 2, 2022 chhunga buatsaih Mizoram State 6 Red Snooker Championship 2021-22 khan champion a lo ni tawh.
Electric Veng Zonuntluanga hi Mizoram Snooker Championship 2018 Champion leh Mizoram Snooker Ranking Championship 2019 champion alo ni tawh a. Jan 23 - 27, 2024 chhunga 'Mizoram State 6 Red Snooker Ranking Tournament 2024' neih-ah pahnihna a ni bawk. Mizoram State Games 2019-ah khan Pool 8 Ball-ah champion a lo ni tawh bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: